Hafoin vizita, Prezidente Repúblika José Ramos Horta husu ba ema atu reza ba Padre Domingos nian moras, atu bele auguenta uituan no laiha sofrementu, tanba dadaun ne’e doutór sira halo ona esforsu hotu, maibé Amu Maubere nia kondisaun grave los.

 “Kuitado, hein de'it ona, reza, doutór sira halo esforsu, maibé para la bele iha sofrementu ba aguenta oituan tan, ha'u la hatene kualker momentu Maromak bolu mak ne'e ona,”dehan Presidente Repúblika hafoin halo vizita Padre Domingos Maubere iha sala ICU, HNGV, Segunda (12/05).

Prezidente Repúblika dehan, lakon dadauk ona éroi boot ida hanesan Amu Maubere.

"Ita lakon dadauk ona ema ida ke ha'u konsidera erói boot," nia dehan.

Entretantu, tuir observasaun Jornalista Online INDEPENDENTE nian iha terenu hare katak,  Padre, Madre sarani no famíliar sira kontínua halo orasaun iha áredor Sala ICU nia oin.