PR Horta simu vizita dahuluk Vise PM Nova Zelandia Featured

By Ekipa INDEPENDENTE Juñu 13, 2024 680
PR Horta simu vizita dahuluk Vise PM Nova Zelandia. Foto:Media Gabinete PR. PR Horta simu vizita dahuluk Vise PM Nova Zelandia. Foto:Media Gabinete PR.

DILI: Prezidente Repúblika, José Ramos Horta, simu vizita dahuluk husi Vise Primeiru Ministru Nova Zelândia, Winston Peters, iha Palásiu Prezidensiál Nicolau Lobato.

Iha sorumutu entre Xefe Estadu Timor-Leste ho Vise PM ne’e, diskute kona-ba asuntu rejionál no globál oioin. Sira subliña nesesidade ba restaurasaun demokrasia iha Myanmar. Sira mós reitera sira-nia kompromisu komun no respeitu ba direitu internasionál, liu-liu ba Konvensaun Nasoins Unidas nian kona-ba Lei ba Tasi (UNCLOS) relasiona ho Tasi Xina Súl.

Kona-ba konflitu Izrael-Hamas, Prezidente Ramos-Horta no Vise-Primeiru-Ministru Peters hamutuk apela atu hetan cessar-fogu imediatu no laiha impaktu, asesu ba asisténsia umanitária ne'ebé laiha restrisaun.

Sira hato'o preokupasaun maka'as kona-ba funu agresaun ilegál no la razoavel husi Rússia hasoru Ukrâinia. Sira reforsa sira-nia apoiu ba pás ida-ne'ebé komprensivu, justu no sustentavel iha rai-Ukrâinia tuir magna karta ONU nian.

Durante sorumutuk ne'e, Prezidente no Vise PM reitera kompromisu kle'an Timor-Leste no Nova Zelândia nian atu hametin no habelar relasaun bilaterál sira, no mós serbisu hamutuk hodi apoia kooperasaun globál no hametin instituisaun multilaterál sira, inklui reforma pratika no konstrutiva Konsellu Seguransa Nasoins Unidas nian.

Timor-Leste no Nova Zelândia fó apoiu ba Konsellu Seguransa ida-ne'ebé reprezentativu liu tan ne'ebé hetan respeitu husi membru ONU nian tomak, no iha ne'ebé membru Permanente sira ezerse sira-nia responsabilidade ba benefísiu pás no seguransa internasionál nian.

"Nu’udar estadu ki'ik, ita-nia forsa mak iha unidade no kompromisu ida-ne'ebé ita partilla hodi garantia katak ita-nia instituisaun multilaterál sira reprezenta liután, nune'e mós ita-nia forsa atu apoia pás global”, dehan PR Horta liu husi komunikadu ne’ebé  INDEPENDENTE asesu, iha pajina ofisial PR Horta, Kuarta (12/06).

"Ita hatudu dala-barak katak estadu ki'ik sira hanesan ita bele hala'o papél ida ne'ebé folin boot hodi ajuda rezolve dezafiu koletivu sira ne'ebé komunidade internasionál hasoru, inklui asuntu pás no seguransa sira" dehan Vise PM Peters.

Timor-Leste no Nova Zelândia mós kontinua kontra maka'as ho uzu direitu veta. Ba Nasoins Unidas atu mantein ninia relevansia, no asegura katak nia reprezenta duni ninia membru sira-nia tomak - inklui nasaun ki'ik sira, hanesan Timor-Leste no Nova Zelândia – direitu veta ne'e devia labele utiliza.

Timor-Leste no Nova Zelândia sei kontinua servisu hamutuk hodi apoia instituisaun multilaterál ne'ebé efetivu ne'ebé adekuadu ba objetivu no suporta ita-nia nesesidade globál sira.

Rate this item
(0 votes)
Last modified on Kinta, 13 Juñu 2024 15:22

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31