Vise Ministru Asuntu Parlamentár, Aderito Hugo da Costa informa, Konsellu Ministrus delibera atu propoin ba Parlamentu Nasionál hodi nomeia Rui Pereira dos Santos, hanesan Komisáriu Komisaun Anti Korrupsaun, ba mandatu tinan haat.
"Konsellu Ministru mós delibera asuntu ida pendente hela designasaun bá kandidatu Komisariu Komisaun Anti Korupsaun ninian ohin halo aprezentasaun husi Ministériu Prezidensiá Konsellu Ministru ho halo apresiasaun, nune'e Konsellu Ministru Deside kontinua aprezenta dezigna Rui Pereira dos Santos ne'ebé ke la'os foun," dehan nia hafoin reuniaun Konsellu Ministru iha Palásiu Governu, Kuarta (12/05).
Nia dehan, Naran ida ne'e mak inklui ho naran ida ne'ebé mak Sergio da Costa Hornai nian iha korespondensia iha tinan kotuk Primeiru tama iha lista ema na'in rua, korespondente segundu uniku lista na'in ida nafatin la iha andamentu.
"Entaun ita avansa to'o Alterasaun lei bá Komisaun Anti Korupsaun ne'ebé ema hotu hatene diskusoens klean iha Parlamentu Nasional aprova envia bá Prezidente Repúblika halo promulgasaun no públika ona iha jornál da Repúblika nune'e ohin biban bá Konsellu Ministru depois anunsia Semana rua liu ba iha reuniaun sira KM, ohin halo deliberasaun," nia dehan.
Nia akresenta, Rui Pereira dos Santos figura ida ke meritu iha setór Justisa ninian, Eis Juis, Eis Adjuntu Komisariu KAK nian anterior, nune'e KM apresiasaun halo designasaun no iha tempu badak sei submete bá Parlamentu Nasional hodi aguarda ajenda iha Parlamentu atu halo plenaria nune'e bele halo Eleisaun bá Komisariu KAK nian ne'ebé durante ne'e Vakum durante tinan ida resin.
Governu da-sia desde pose tau kedas atensaun ba oinsá priense vaga Komisariu KAK ninian maibé korespondensia de akordu ho lei anterior KAK ninian iha rekezitu balun ke nufin implentasaun iha Parlamentu Nasional la konsege iha konsensus entaun dalan ikus liu dalan envia ultimu via mak halo Alterasaun bá lei KAK hodi Altera tiha rekezitu ida Minimu prezensa Deputadu mais 49 Deputadu iha Parlamentu.
"Ultimu ohin katak obrigasaun lei ninian Governu aprezenta no dezigna ona ona Kandidatu ida kuandu submete ona ba Parlamentu ne'e soberania no ami aguarda oinsá Parlamentu halo andamentu masimu rapidu posivel masimu, posivel aban ami bele submete bá Parlamentu," tenik nia.
