Nia haktuir, bu'at balun ema bele mai husi rai li'ur, maibé bu'at barak maka mós Timor oan lubuk ida bele halo, tan ne’e hanesan Prezidente Repúblika sei tau matan obra ida ne'e.
Xefe estadu hato'o nia deklarasaun ne'e hafoin halo lansamentu ba projetu refere, ne'ebé empreza halo ona akoodu kontratu atendimentu iha loron 3 fulan Janeiru 2022 liu ba.
“Ha'u sei tau matan para halo obra ida ne'e depois rekruta traballador 90% tenke Timorense, depois atu serbisu iha fatin bara-barak ótel nian ne'e, Eletrisista, ema ne'ebé hare bee, mekaniku, komputador, halo manutensaun makina sira ne'e serbisu iha kuartu restaurante tanba ótel ne'e sei iha restaurante haat kedas.
Aleinde ida ne'e sei iha mós Portu peska ida para peskador sira nia mak entrega ró peskas ba peskador sira ba peska lori ikan mai faan fali ba ótel.
Bom agora mak ne'e ba'ut hotu-hotu prontu para aranka halo ona konstrusaun sira, maibé iha tempu seluk nia hakarak aumenta, agora aranka projetu bu'at estatal faze tolu, agora nia aranka ho faze rua halo dala ida de'it, depois faze datoluk haree ba oin mak sei halo, ida importante liu mak faze dahuluk no daruak ne'e.
Horta: Ministru Balun Mak Komplika Investimentu Pelican
Entretantu, PR Ramos Horta mós halo akompanamentu ba projetu ne'e tinan barak nia laran, maibé Ministru sira balu mak komplika investimentu Pelican Paradisse.
"Ha'u kontente tanba ha'u akompana investimentu projetu ne'e tinan lubuk ida nia laran, devia hahú tiha tinan lima ka sanulu liu ba, mais rai ida ne'e sempre iha Ministru balun sempre komplika bu'at hotu-hotu. Ita sorte ke ema ne'e relijiozu tebtebes mai ho mehi barak ajuda tebtebes Timor-Leste la'os tanba nia hakarak halo osan, tanba nia katuas," nia dehan.
Projetu boboot iha Singapura, iha Malazya neeba, nia mai halo investimentu iha ne'e tanba relijiozu nia rasik hatete ida ne'e, ulun nia mai kontextu lubuk ida ajuda hahán, ropa, aimoruk.
"Nia hatete ne'e la sufisiente ha'u la rezolve problema Timor nian, rezolve kontribui halo Ótel boot ida para emprega joven sira," nia salienta.
Purtantu investimentu ne'e boot agora dadaun sira hahú ona prepara rai ne'e, prepara ke bu'at sira ne'e lori Makina no Dezain halo daudaun ona, dezain injenajira, dezain arkitektura.
"Imi haree ne'e super modernu sira iha Dubai di'ak liu tan iha Sidnei, purtantu investimentu ne'e atu aranka duni iha fulan Abríl tanba agora sira sei prepara rai, dada bee, lori ekipamentu kontratu ho empreza boot, ha'u husu para kontratu ho empreza grupu Timor oan balu ka lae, ha'u dehan sei hein sira, mais kontratu grupu Timor oan balu, ha'u lakohi haree de'it kontrator de'it halo loos mak mai halo projetu iha ne'e," tenik nia.
Iha fatin hanesan, Na'in ba Investimentu Pelican Paradise Datuk Edward Ong hatete, preparasaun ona ba designadu THE AERY, Resort Hotel nian inklui bu'at sira seluk seluk ne'ebé sei halo hotu.
"Ami mós junta tiha ona Plot 3 designadu ba atus rua rua nulu resin ualu (228) servisu apartementu ne'ebé kunesidu hanesan THE AERY ne'ebé fo xavi atus neen rua nullu resin haat (624) no Plot sanulu (10) ne'ebé designadu ba Resort Hotel no kunesidu hanesan PELICAN PARADISE RESORT ne'ebé fo xavi atus tolu resin tolu (303) no Villa sanulu (10) hanesan Faze Primeiro, totalmente fo ami, xavi atus sia rua nullu resin hitu (927), Villa sanulu (10), Presidential suite ida (1) no Pent hous haat (4), no ida sei iha uma sanulu resin lima (15) ba xefi de Estadu, kada ida, iha dalan tama privadu no seguru," dehan nia.
THE AERY sei iha lifts privadu no kuartu toba ba individual 3 no 4. Lift kabuar to'o iha Sky Garden no Roof Garden. Pelican Paradise Resort sei iha Ballroom (salaun entkontru boot) ba vizitante rihun ida haat nulu (1040 Pax), Salaun enkontroy sanulu resin ida (11), VIP Lobby, Klubu Privadu ba deskansa, rihun rua atus hitu walu nulu resin hitu mentro kuadradu ba fatin arte no gym 30.000 Sq Ft, pisina de borda infinita metru lima nulu (50m), spa propriu ba fasilidade fitun lima, kobre husi kampu tennis no klubu ba labarik sira.
Ba AERY no PELICAN PARADISE RESORT sei fo servisu por volta de rihun ida ba de'it faze tomak Primeiru. Dezemvolvimentu ida ne'e tau atensaun maka'as hodi haforsa liu tan enviromentu.
"Ami halo ona integrasaun 5 MW husi solar panel, Forsa solar Ro sei konverta bee tasi ba bee portátil hodi reforsa tan bee ne'ebé fornese husi Autoridade, ba area drainajen sei resikla hodi uza fali hanesan bee ba jardin nian," nia dehan.
Nia hatutan, Jestaun husi kompleksu tomak kometidu ba zero plastiku no prepara fatin karega kareta elektroniku ne'ebé empreza pelican antisipa kedas karik Timor-Leste sei uza hanesan saida maka empreza haree iha nasaun dezenvolvidu sira. Bainhira de'it no tempu saida de'it posivel, sei la uza ona kombustivel fossil nian.
"Asinatura husi SIA hanesan hahu ona dezafiu barak nebe sei mai. Konkordansia ne'e estatiku no lao ba oin, ita nia relasaun ne'e dinamiku. Laiha konkordansia ida maka bele kaer lia hotu antes tanba dezenvolvimentu ne'ebé masivu lo'os. Ita presiza servisu hamutuk liman ba liman ho Governu, no ho fiar ita hamutuk bele halakon kualker dezafiu iha ita nia dalan atu lori dezenvolvimentu ida nee ba nia rohan ho nai nia gloria," nia salienta.
Iha konklusaun, ha'u hakarak hato'o agradesimentu ba ita hotu ne'ebé marka prezensa iha fatin ida ne’e hodi sai testamuna ba eventu Ground Breaking ida nee. Ita boot sira nia presenza iha ne'e hanesan korajen boot tebes mai ami.
"Ami ho laran kma’an asegura ba Honravél Primeiru Ministru katak ami sei halo bu'at hotu ne'ebé ami bele halo ho hanoin atu lori projeitu ida ne'e ba nia rohan kompletamente no ami hakarak halo duni ida liu husi parseiria ho Governu Timor-Leste, tanba see karik laiha kooperasaun no korajen ami labele la’o dook hanesan agora, no lo'os katak ami tenke kontinua konta ba iha futuru," tenik nia.
