Projetu Pelican Paradise ne'ebé ninia prosesu la'o durante tinan 14 nia laran hetan ona lansamentu fatuk dahuluk husi Prezidente Repúblika, José Ramos Horta no akompana husi Prezidente Parlamentu Nasionál, Aniceto Longuinhos Guterres Lopes, Primeiru Ministru, Taur Matan Ruak, Eis Primeiru Ministru Mari Alkatiri nomós Eminensia Dom Virgilio Cardeal do Carmo da Silva.
Serimonia lansamentu fatuk dahuluk ne’e, partisipa mós husi membru Governu balun mak hanesan Ministru Kordenador Asuntu Ekonómiku, Joaquim Amaral, Ministru Turizmu Komersiu Industria, José Lucas do Carmo, Ministru Defeza, Filomeno da Paixao de Jesus, Ministru Obras Públiku, Abel Pires, Ministru Agrikultura Peskas, Pedro dos Reis, Vise Ministru Turizmu Komersiu Industria, Domingos Antunes Lopes, Ministra Saúde, Odete Maria Freitas Belo, Ministru Petroleum Minerais, Victor da Conceicao, Vise Ministru Justisa, Edmundo Caetano, Brigadeiru Jeneral F-FDTL, Falur Rate Laek, inklui entidade sira no emprezariu nasionál no Internasionál.
Iha biban ne’e, Datuk Edward ONG hato'o agradesimentu ba Presidente Republika, Jose Ramos Horta nia presenza hanesan komvidadu honorável, hakarak hato'o agradesimentu ba Sua Eminencia Dom Virgilio Vardeal do Carmo da Silva atu bele dedika no konsekreta eventu Ground Breaking ne'e no ba dezenvolvimentu Pelican Paradise nian tomak ba Aman iha lalehan tanba Sua Eminencia maka ema ne'ebé nai haruka.
"Uluk nanain, Hau hakarak hato'o agradesimentu ba Presidente Republika Jose Ramos Horta nia presenza iha ne'e hanesan ami nia komvidadu honorável ita sai ona inspirasaun mai ha'u durante tinan sanulu resin haat (14) atu ha'u bele realiza duni ha'u nia mehi. Ita nia korajen durante ne'e pertinente lo'os," dehan nia hafoin lansamentu ba Obra Pelican Paradise iha Tasi Tolu, Sesta (25/11).
Nia hato’o agradesimentu ba onrável Primeiru Ministru Taur Matan Ruak no ekipa primeiru iha MKAE ne'ebé lideradu husi Agio Pereira, depois Fidelis Manuel Leite Magalhaes no agora Joaquim Amaral no ekipa sira husi TradeInvest ne'ebé asselera ona prosesu aprovasaun final SIA iha loron 29 de Setembro 2021 iha Konselhu Ministru no Asinatura husi SIA iha loron 3 de Janeiro 2022 ho Titulo Aluga Rai ne'ebé asina husi vise Ministru Justisa Edmundo Caetano, obrigado ba tau ona fiar mai.
Alaeinde hirak ne'e Agradesementu ba Lider Karismatiku no eis Primeiru Ministru Kay Rala Xanana Gusmao ne'ebé tau fi'ar tomak ba konkoordansia projetu inisial iha tinan hirak liu ba. Nia dehan Xanana nia domin ba Nasaun doben Timor Leste no vizaun admiravel tebes.
"Hau hakarak hatoo agredecimento ba Xanana Gusmão ne'ebé tau ona fiar hodi asina tiha ita nia konkoordansia Projetu inisial iha Outubru (2008). Nia domin ba Nasaun doben Timor Leste no vizaun admiravel tebes, no tanba liu husi fiar sagradu ne'ebé hafanun ami atu bele kaer metin espiritu no intensaun husi SIA ate ohin loron. Ami Apresia tebes no obrigadu," nia dehan.
Hakarak hato'o agradesimentu ba Primeiru Ministru Sesante Rui Maria de Araujo no Ekipa sesante iha MKAE ne'ebé Lidera husi Estanislau da Silva hodi bele fiar iha projeitu no komesa hahu esbosu ba Konkordansia Investimentu Espesial hanesan fundasaun no estrutura ba hahu investimentu. Hato'o Agradesimentu ba Primeiru Ministru Sesante Mari Alkatiri ba dezenvolve no estruturaliza tiha Akordu Investimentu Espesial ho maneira katak ida ne'e pratikal no ezekutavel entre Governu no Investor. Ida ne'e ajuda dezenvolve tuir faze bainhira Governu hahu halo livre rai.
"Ha'u mós hakarak hato'o agradesimentu ba ha'u nia kaben Enung no ha'u nia oan sira no kolega sira ne'ebé maka halo ona viajem dook to'o iha fatin ida ne'e, ba suporta no fo korajen atu ami labele rende ba Vizaun ne'ebé aai fo. Ha'u mós hakarak hato’o agradesimentu ba ekipa tomak Pelican Paradise, ne'ebé fo ona servisu maka'as ba eventu ida ne'e, servisu iha udan no loron manas, atu halo eventu ida ne'e susesu," nia fundamenta.
Nia dehan, liu sira ne'e hotu, hanesan refleta ba jornada tinan sanulu resin haat (14) no ema hotu nia ajuda durante ne'e. hakarak hato'o agradesimentu ba nai nia fielidade no grasa. Karik laiha labele hahu jornada ida ne'e.
"Asinatura husi SIA (Akordu Investimentu Espesial) fo mai ami konfiansa atu hahu tau ona konsiderasaun iha dezenu foun nian no ekspektasaun husi turista sira depois de pandemia no mós ekspektasaun husi Timor Leste ne'ebé atu tama ba ASEAN iha 2023," dehan nia.
