PR Horta Husu Governu Prepara Uluk Fatin Hafoin Hasai komunidade Sira Featured

By Ivonia Varela Abril 19, 2024 316
Prezidente Republika (PR) José Ramos Horta. Foto:Dok. Prezidente Republika (PR) José Ramos Horta. Foto:Dok.

DILI: Prezidenti Repúblika (PR) husu governu prepara uluk fatin ne’ebé dignu ba povu antes hasai sira husi sira nia hela fatin, tanba sira la na’ok no la asaltu ema nia uma maibé sira hasai kosar hodi buka hahán.

Prezidente Republika (PR) José Ramos Horta hatete, atu hasai komunidade sira, sai husi sira nia hela fatin ne'ebé hodi buka moris, governu tenke prepara fatin foun, hadi’a merkadu ne'ebé iha, hafoin bele muda sira ba ne’ebá.
“Ita hakarak duni ema sai husi fatin ida, ema ne'ebé ho onestidade ho kosar difikuldade buka moris sira la halo problema sira buka moris ho sakrifisiu los iha loron manas lao ba lao mai no sira la nauk la asaltu ema nia uma ho kosar sira buka buat ruma atu han,” dehan PR iha Salaun INFORDEP Balide, Kinta (18/04).
Xefe Estadu dehan, los labele halo fati hotu hanesan merkadu, maibé tenki dialogu ho ema, no tenki prepara fatin foun hadia merkadu sira ne’ebé iha ona.
Nia dehan, merkadu sira hanesan Taibesi insustentável los la iha kondisaun sira hanesan bee no saneamentu la iha.
Tan ne’e, Xefe Estadu mos husu ba Prezidente Autoridade Munisipiu Dili atu hare problema refere, bainhira komunidade sira husik sira nia hela fatin, Primeiru Autoridade Munisípiu tenki hare ida nee para depois muda ema sira nee ba.
“Los ita labele halo fatin hotu-hotu Hanesan merkadu ida maibé primeiru dialogu ho ema, governu tenki prepara fatin foun hadia merkadu be iha dadaun ona, merkadu sira nee insustentavel los hanesan merakadu Taibesi la iha kondisaun, kondisaun Saneamentu la iha kondisaun be mos la iha,” dehan PR.
Nia dehan, mesmu iha fatin no estrada públika ha’u haree oin seluk, husik sira nafatin iha ne'ebá maibé labele halo konstrusaun permanente labele toba iha ne'ebá maibé hadia fatin ne’ebá ho lideradu ho ijiene para sira bele dadersan lalin sira nia sasán faan fali fatin ne'ebá.
“Hau ba iha ne'ebé hanesn iha Nova Yorke permite atu fa’an iha estrada maibé mós no organizadu mós di’ak atrai turístiku tan, purtantu ha’u hare ne'e, ha'u triste hela, buat sira nee iha konsekuénsia polítika eleisaun seluk mai sira be uluk vota ba o nee sira sei lembra hau vota ba povu tebe sai tan, ha'u agora lalika mai para hau fila fali hau,” dehan PR.
PR akresenta tan, nia parte lahatene bolu forsa armada mos ba partisipa fali tanba ida ne'ebá nee la’os papél konstituisional be forsa armada nian iha.
“Nee laos Afganistaun Gaza nee papel polísia nia se hakarak apoiu governasaun bolu polisia bo edukasaun ho sivilidade la’os bolu fali Forsa Armada, ha’u mak Maijor Forsa Armada bau rekuza ha’u la fó orden ba hau nia forma ba mete situasaun ida nee,” nia hakotu.

Rate this item
(0 votes)

Independente Digital TV