"Tinan 2025 ha’u espera ita tama ASEAN. Ita preparadu ona atu tama ASEAN. Iha Setembru 2024, ita bele simu Amu Papa, jornalista atus tolu mai, populasaun besik 700 mill mak partisipa. Governu konsege organiza lójistika, seguransa, no vizita ne’e la’o 100% di’ak lo'os. Ne’eduni, atu simu ministeriál ASEAN, ka simeira ASEAN iha Timor-Leste, ne’e ita la hakfodak," dehan nia, iha Oekusse, Kinta (28/11).
Nia reforsa, Timor-Leste tama tiha ona organizasaun mundiál komérsiu, Timor-Leste membru g7+ estadu frajil, Timor-Leste membru ativu CPLP no ativu iha debate sira kona-ba mudansa klimátika, no TL liu husi tékniku sira, espertu sira lidera forum bo'ot oi-oin buat sira, ne’eduni Timor prontu atu tama ASEAN iha 2025, durante Malázia nia prezidensia ASEAN.
Maibé, ba hotu-hotu saida mak kontribuisaun di’ak ba mundu, ba ASEAN, kontribuisaun di’ak liu mak ida ne’e, hametin dame iha rai laran, soe violénsia, haklean estabilidade, haklean demokrásia liberdade, laiha violénsia polítika, laiha violénsia diskriminasaun relijiózu, ka étniku, ka ba difisiente sira ka ba LGBTI sira rai ida ne’e tenke ezemplu duni.
"Ita lalika lalika mehi atu kontribui buat seluk bo'ot liu tan ba ASEAN, tanba ita tenke hari'i lai rai ida ne’e, ita kontribui mak ida ne’e iha mundu ida ne’ebé, rai oras ne’e dadaun, konflitu, funu bara-barak loos, konfrontasaun poder boboot barak, pelumenus, iha rai ida ne’e, iha rai laran, laiha konfrontasaun, iha dame nune’e de’it, ita nia viziñu sira kontente, ita nia viziñu sira agradese, tanba ita," hakotu PR Horta.
Integrasaun rejionál
Entretantu, ASEAN, komunidade país sira lian Portages nian (CPLP) no grupu país sira g7- nafatin iha prióridade nasionál sira nia leten.
Nune'e, esensiál atu kontinua hametin lasu ho vizinu sira, Austrália no Indonézia, no mós nasaun belun sira setuk no parseiru dezenvolvimentu sira. Iha tempu hanesan tenke buka parseria globál sira ne'ebe ajuda konsolida Timor-Leste nia pozisaun iha palku internasional.
Tanba ne'e adezaun iha Organizasaun Mundial Komersiu (OMK) ina Fevereiru 2024 aprezenta tan ta dezañu no mós oportunidade sira. Maski Timor-Leste tama ona formalmente, ida-ne e imperativu atu duplika esforsu hodi aliña regulamentu sira no prepara rekursu atu nune'e bele realiza tomak benefisiu sira husi adezaun ida ne'e.
"Ita nia adezaun tomak ne ebe antesipa ba ASEAN iha 2025 nu'udar Estadu membru ba dala 11 reprezenta marku signifikativu ida Integrasaun ne e loke odamatan ba merkadu komun ho ema millaun 700 ne'ebé hamosu tinan tinan Produtu Internu Brutu liu dolar amerikanu triliaun 3 (tolu)".
Maske nune'e, oportunidade ida ne'e más hamosu dezafiu, liu-liu kona-ba preparasaun ba mobilidade ema no sasan sira iha ambiente ida ne'ebe produtivu no kompetitivu tebes.
"Ita presiza investe barak liu tan iha teknolójia informasaun nian, hodi promove inisiativa no empreza sira ne'ebé kriativu no inovativu ne'ebé esplora ita nia potensiál nasionál iha setór turizmu, agrikultura, peska, floresta, indústria manufaktura no esplorasaun rekursu naturál sira kompromisu sira ne'e enkoraza ita atu investe iha ekonómia verde no ekonómia azul hodi garante katak ita nia dezenvolvimentu bele sai sustentavel no inkluzivu," tenik nia.
