Prémiu Direitu Humanus Sérgio Vieira de Mello nu'udar inistiva ne'ebé lansa iha 2008 husi Prezidente Repúblika, José Ramos Horta, ho objetivu atu rekoñese kontribuisaun sidadaun timorenese, estrajeiru no organizasaun governamentál ka institutusaun sira la'ós governamentál, ne'ebé halo servisu ba promosaun, protesaun no defende ba Direitus Humanus iha Timor Leste.
Atribuisaun prémiu Diretus Hamanus ne'e ho kategória rua primeiru mak direitu sivil no polítika ne'ebé sei atribui ba individu ka organizasaun siha ne'ebé fó sira nia kontribuisaun signifikativu ba promosaun no protesaun direitu sivil no polítika iha país ne'e.
Kategória segundu ba direitu ekonómiku sosiál no kulturál ne'e sei atribui ba sidadaun la organizasaun sira ne'ebé kontribui signifikativamente ba promosaun no defeza ba direitus ekonómiku sosiál no kulturál.
"Prémiu Direitus Humanus ida ne'e atu kore ema husi diskriminasaun bazeia etnisidade, labele iha diskriminasaun relijiozu, labele iha diskriminasaun tanba iha kiak tanba ne'e sira ne'ebé manán prémiu ohin tanba sira halo promosaun no edukasaun, protesaun no dezenvolvimentu inklui empoderamentu ba foinsa'e sira hodi defende Direitus Humanus. Imi hotu nia kontribuisaun bo'ot ba rai ida ne'e, kontinua imi nia servisu, prémiu ho valór $10.000.00 ne'e la barak, mas uitoan bele ajuda imi nia servisu, importante liu mak rekoñesimetu ba servisu ne'ebé halo," dehan PR Horta, iha iha Salaun Palasiu Prezidensia, Bairru-Pité, horisehik.
Entretantu, reprezentate manán na'in ba sósiu ekonómiku kultura, Filomena da Costa, agradese ba Maromak, tanba bele hili nia simu prémiu ida ne'e.
"Hanesan ami nia planu ne'ebé iha ona osan husi prémiu ne'ebé iha, ami sei hola fasilidade balun ba tau iha mother merry help care no konstrui fatin reza," dehan nia.
Nune'e mós kategória direitu sivil no polítiku, Sisto dos Santos (matebian reprezenta husi nia kaben Anita Cardoso.
Tanba, saudozu nu'udar ativista ne'ebé konxistente defende direitu vitima Direitu Umanus husi aktu krime kontra umanidade kontra militar Indonézia (direitu sivil no politiku), depois restaurasaun indepedénsia saudozu ativu hodi advoga direitu ekonómia, defende soberania ai-han liu husi movimentu Mokatil.
