"Rezultadu votasaun a-favor 42 kontra 10 no abstensaun 13, nune'e Orsamentu Jerál Estadu ba Prezidente Repúblika aprovadu", deklara Prezidente Parlamentu Nasionál, Maria Fernanda Lay, iha sala plenaria PN, horisehik.
Enkuantu, proposta OJE 2024 ne'ebe IX Governu aprezenta ba Parlamentu Nasionál hodi husu aprova OJE ba Prezidente Repúblika totál montante $10.948.750.
Nune'e, OJE 2024 aloka ba Prezidente Repúblika ho kategoria salariu vensimentu $4.109.971, bens no servisu korrente $5.538.220, transferesia públika $1.050.559, kapitál menór laiha no kapitál dezenvolvimentu $250.000.
Tanba ne'e, OJE ba Prezidente Repúblika ba programa sira hanesan, programa ba funsionamentu dezenvolvimentu inskontituisionál ho salariu vensimentu $4.089.971, bens servisu 1.704.219, transferensia públika $1.050.559. Kapitál dezenvolvimentu $250.00 ho totál $7.094.749.
Purtantu ba programa reforsa relasaun no kooperasaun internasionál salariu vensimentu laiha, bens servisu $50.000, transferensia públika laiha, kapitál menór laiha, kapitál dezenvolvimentu laiha, nune'e totál $50.000.
Aleinde, ba programa fortalesimentu demokrasia, konstituisionálidade, pás, defeza no seguransa salariu vensimentu $20.000, bens servisu $324.000, transferensia públika laiha, kapitál menór laiha, kapitál dezenvolvimentu laiha, nune'e totál $344.000.
Programa inisiativa dezenvolvimentu ba Prezidente Repúblika, salariu vensimentu laiha, bens servisu 2.085.000, tranferensia públika laiha, kapitál menór laiha, kapitál dezenvolvimentu laiha, nune'e totál $2.085.000.
Programa dezenvolve sistema komunikasaun instituisionál governu orsamentu salariu vensimentu laiha, bens servisu $ 1.375.001 tranferensia públika laiha kapitál menór laiha, kapitál dezenvolvimentu laiha, tanba ne'e totál $1.375.001.
Tuir livru proposta-lei OJE 2024 planu asaun anuál hosi Prezidénsia Repúblika ho programa funsionamentu no dezenvolvimentu instituisionál ho ninia sub-programa rua (2) no atividade sia (9).
Programa reforsa relasaun no kooperasaun internasionál ho sub-programa ida mak vizita nasaun multilaterál ho atividade mak vizita kortezia xefe Estadu Timor-Leste.
Programa fortalesimentu demokrásia, konstitusionálidade, pás, defeza no seguransa ho ninia sub-programa fortalesimentu demokrásia ho atividade ida, sub-programa asegura konstituisionálidade ho atividade rua, sub-programa garante pás, defeza no seguransa nasionál ho atividade lima.
Programa inisiativa dezenvolvimentu Prezidente Repúblika ho ninia sub-programa inisiativa kulturál no desportu ho atividade tolu, sub-programa inisiativa sosiál ho atividade mak atendimentu komunidade vunerável no tratamentu espesiál, atividade inisiativa sensibilizasaun ba nutrisaun ba labarik ho inan, inisiativa edukativa sentrada iha edukasaun primeira infánsia, promosaun inisiativa agríkola, atividade inisiativa empoderamentu feto iha ekonomia, atividade selebrasaun no komemorasaun iha ar livre.
Programa dezenvolve sistema komunikasaun instituisionál ho Governu ho ninia sub-programa fortalese relasaun interansionál no bilateral ho atividade fortalese relasaun ho Indonézia no Austrália, atividade vizita Estadu bilateral ba nasaun relasaun diplomátiku no vizita privada hodi atende konvite instituisaun globál no rejionál, atvidade simu kredensiál hosi embaxadór desigandu, nomeasaun no toma pode embaxadór RDTL ba nasaun ho relasaun dipomátiku, enkontru bilaterál ho delegasaun nasaun ho relasaun diplomátiku.
Sub-programa relasaun multilaterál no asuntu eminente ho atividade relasaun diplomátika ho ASEAN, nasaun multilaterál, ONU, WTO, Banku Mundiál, ADB no partisipa iha forum rejionál CPLP, g7+, UE ho sira seluk tan, atividade hanesan eminente laureadu Nobel ba Páz hodi atende konvite ONU, instituisaun globál no rejionál.
Deputadu bankada CNRT, Patrocino Fernandes, hateten, hosi OJE 2024 hamutuk billaun $1.95 nune'e aloka ba Prezidente Repúblika hamutuk millaun $10,948.750, tanba nu'udar orgaun soberanu ida no reprezenta estadu no povu tomak.
"Iha audensia Komisaun permanente sira hosi reprezenta Prezidente Repúblika nian mai aprezenta katak, sira-nia programa dekreve didiak lolos ba sira-nia nessidade ba tinan 2024 nian", dehan nia.
Deputada ne'e hatutan, orsamentu ba prezidente repúblika nian atu ajusta deit sira-nia programa prioridade ne'e tau ona iha proposta lei OJE 2024 ne'e.
"Iha orsamentu ne'e Gabinete prezidente repúblika sei halo ezersisiu internal maka'as hodi kobre fali orsamentu ne'ebe menus hosi millaun $252 ba programa ne'ebe sira iha", nia dehan.
