Iha debate proposta lei OJE 2024 iha faze espesialidade, Parlamentu Nasionál konsege aprova ona orsamentu ba Primeiru Ministru ho Vise Primeiru Ministru ba asuntu Ekonomiku no Vise Primeiru Ministu Asuntu Sosiál.
Iha debate orsamentu ne'e, proposta OJE 2024 ba Primeiru-Ministru laiha alterasaun, tanba ne'e Prezidente Parlamentu Nasionál, Maria Fernnada Lay, submete deside submete kedas ba votasaun.
“Rezultadu votasaun a-favor 43, kontra 16 no abstensaun 5, nune'e, orsamentu ba Primeiru Ministru nian pasa iha espesialidade", dehan Presidente Parlamentu Nasionál, Maria Fernanda Lay, iha sala plenaria, PN, horisehik.
Enkuantu, OJE 2024 ba Primeiru Ministru ho montante $3.216.604, aloka ba salariu vensimentu $1.231.835, bens no servisu $1.984.769, tranfrensia públika laiha, kapitál menór laiha, kapitál dezenvolvimentu laiha.
Aprova OJE ba Vise PM Rua
Purtantu, iha debate faze espesialidade ne'e, Parlementu Nasionál mós konsege aprova ona OJE tinan fiskál 2024 ba Vise Primeiru Ministru Asuntu Ekonomiku ho montante US$ 400.000 ho votu afavor 44, kontra 15 no abstensaun 5.
Enkuantu, Orsamentu ba Vise Primeiru Ministru Asunto Ekonomikuho montante $400.000, aloka ba salariu vensimentu $375.108 bens no servisu $24.892 tranfrensia públikas laiha, kapitál menór laiha, kapitál dezenvolvimentu laiha.
Aliende, Parlamentu Nasionál mos aprova ona OJE Vise Primeiru Ministru Asuntu Sosial montante $ 700.000, ho votus afavor 43, kontra 14 no abstensaun 7.
Enkuantu, Orsamentu ba Vice Primeiru Ministru Asunto Sosial montante $700.000 fahe ba kategoria Salariu vensimentu $460.080, bens no servisu $200.234, tranfrensia públikas laiha, kapitál menór laiha, kapitál dezenvolvimentu laiha.
Entretantu, Parlamentu Nasionál mos aprova ona Orsamentu Jerál Estadu (OJE) tinan 2024, ba Ministeriu Prezidensial Konsellu Ministru ho montante 12.543.437, fahe ba kategoria salariu vensimentu $5.992.168, bens no servisu $3.025.986, tranfrensia públika $2.345.283, kapitál menór 100.000, kapitál dezenvolvimentu US$ 1.080.000.
Parlamentu Nasionál aprova orsamsentu ne'e ho votus afavor 43, kontra 16, abstensaun 5, orsamentu ba pasa.
