Nia dehan, prosesu ne'e halo Xefe Estadu xokadu, ema barak kontra, Xefe Estadu rasik kontra tanbasá desizaun ne'e hanesan atu fó, la'ós desimu terseiru-més fó fali desimu kuartu-més.
Nia hatete, funsionáriu sira rihun US$ 40 iha Timor ne'e simu ona desimu terseiru més, sei simu tan desimu kuartu més, polísia, forsa armada simu desimu kuartu més, nusa mak la fila de'it ba dekretu lei anteriór ne'ebé uluk halo ona ne'e fó de'it ba sira presiza duni.
Tanba ne'e, Xefe Estadu kompriende Primeiru Ministru nia laran luak, Governu nia laran luak, maibé di'ak liu muda lei ne'e.
Maibé, difisil liu, fó ba hotu-hotu administrativamente fasil loos laiha probelma, hili se mak atu fó, uma kain ne'ebé komplikadu liu.
Tanba ne'e, sira deside fó ba hotu-hotu tenke halo, MSSI ho Ministériu sira seluk tenke esforsu boot liu atu fó ba se. Programa ne'ebé Governu iha ona tinan lubuk ida nia laran governu liu husi MSSI fó tulun ba ema ne'ebé vulneravel liu, ema ne'ebé kiak liu.
Nune'e, Xefe Estadu lakohi veta Dekretu lei ne'e, tanba nia 'a'ós Prezidente veta nian, entaun sei buka dalan ida lalika veta, dalan saida bele dalan milagre ida buat ne'ebé povu hakarak lakohi simu osan ba hotu-hotu ne'e ha'u mós la fiar, maibé governu mós simu, governu mós prontu atu muda.
Purtantu ida ne'e maka di'ak liu, atu labele veta de'it, governu rasik mak muda.
"Depois ita haree tanba buat ne'e estres loos ba ha'u, antes loron 16 fulan Novembru iha ona solusaun, ha'u lakohi mós orsamentu jerál estadu ne'e atraza," dehan Prezidente Repúblika José Ramos Horta hafoin fila husi Portugál iha Aeroportu Internasionál Nicolão Lobato Komoro Salaun VIP, Domingu (06/11).
Molok ne'e, Prezidente Repúblika José Ramos Horta hatete Dekretu lei númeru 37/2022 kona-ba subsidiu uma kain fim du anu iha ona nia meja leten.
Molok ne'e, Governu liu husi reuniaun Konsellu Ministru ihaa loron Kuarta (28/09). aprova ona projetu Dekretu-Lei, numeru 37/2022, loron 25 fulan-maiu, kona-ba fó subsídiu US$200 ba uma-ka’in sira iha fulan-dezembru ka fim du anu ne’ebé aprezenta husi Vise-Primeira Ministra no Ministra Solidariedade Sosiál no Inkluzaun, Armanda Berta dos Santos.
