Liuhusi komunikadu Gabinete Jestaun Krize, informa katak timor-oan ne’e tama ona sala izolamentu nian, enkuantu suspeitu positive ida uluk rekoopera no alta ona, hafoin teste mostra ran dala rua iha laboratoriu Dili, hatudu rejultadu negative no reforsa iha laboratoriu Darwin kontinua hatudu negativu.

Sérgio Lobo, Kordenadór Forsa Tarefa, iha sala situasaun nian, relata ba ekipa interministerial katak, rejultadu hatudu kazu pozitivu Covid-19 Timor-Leste nian iha ona kazu rua, ida mak rekoopera ona no ida fali Timor-oan ne’ebé foin identifika positivu.

Tuir relatoriu coronavirus mundiál hatudu surtu Covid-19, afeita ona abitante milaun millaun 1.5, mate rihun 89, konsege kura (kurativu) ema rihun 312.