Diretór Jerál Prestasaun Sosial MSSI, Florencio Pina Dias Gonzaga hatete, dadaun ne’e esforsu hela ba benifisiáriu Bolsa da Mae (BdM) Kondisional hosi Munisípiu Dili no Vikeke inklui Ataúro tanba ne’e espera katak iha fulan-Outubro bele realiza ona.
Kona-ba pagamentu ne’e, diretór ne’e dehan, orsamentu ba benifisiariu BdM Kondisonal dadaun ne’e iha ona maibé tanba benifisiáriu ne’e aumenta hela de’it entau sei presiza buka ka husu tan orsamentu atu nue’e bele halo kompleta prosesu pagamentu faze II bele la’o ho di’ak.
“Ba faze segundu agora dadaun ita esforsu ba pelemenus benifisiariu sira ne’ebé mai husi Munisipiu Dili ho Vikeke inklui Atauro ninia orsamentu ita prosesu ona hein tempu, orsamentu iha hela maibé tanba benifisiariu aumenta no iha dadus adisional balun ne’ebé husi munisipiu seluk mos ita presiza hare didiak entaun ita buka ka husu tan osan atu bele halo kompleta liu nune’e prosesu pagamentu faze segundu bele la’o di’ak,” dehan Interinu iha Edifisiu MSSI Kaikoli, Sesta (13/09).
Diretór Jeral ne’e hatutan, tuir dadus ne’ebé iha total benifiasiariu husi munisipiu Dili no Vikeke inkliu Atauro hamutuk rihun 14 no orsamentu ne’ebé Ministeriu preve hodi halo pagamentu iha faze II hamutuk dollar Amerikanu tokon ida liu (1 millaun) ba faze II nian.
Diretór Jeral esplika, Pagamentu ba benifisiariu sira ne’e ba tinan ida nian, bá faze II hein katak Fulan Outubru bele realiza ona, tan ne’e Miniteriu esforsu másimu atu nune’e iha fim Setembro bele komunika ho Banku Nasional Komersiu Timor Leste (BNCTL, sugla Portugués) atu haree ona kalendáriu ba prosesu pagamentu.
Entertantu, liu husi dekretu lei numeru 1/2024, 3 de Janeiru iha artigu 10 no 11 ne’ebé deskreve nudansa ba montante orsamentu no akresenta liutan kondisionalidade eskola ba benifisiariu sira.
Nune’e, iha mudansa orsamnetu hanesan, ensinu primaria 8.0, ensinu pre-sekundaria $9.00 no ensinu sekundariu $10.00 no labarik ho difesiensia sei hetan adisional $5.00.
Enkuantu, BdM kondisional faze dahuluk dadaun ne’e prosesu pagamentu kontinua la’o hela iha munispiu 10 inklui Rejiaun Administrativa Espesial Oecusse Ambeno RAEOA ho total benfisiau rihun 56 liu.