Bebibas hirak ne’e, parte alfándega entrega ba MSSI ho objetivu atu fahe ba Instituisaun Solidariedade Sosial (ISS) hanesan, uma mahon sira ne’e ne’ebé hetan ona utilidade sosiál husi MSSI.
Komisariu Autoriedade Aduaneiru Interinu Armindo dos Santos Almeida, bebidas sira ne’ebé MF liu husi Autoriedade Aduaneiru oferese ba MSSI ne’e husi kompaña sira ne’ebé importa mai Timor-Leste, maibé tanba haree ba impostu kompaña selu labele entau kompaña afavór ka entrega tiha ba estadu.
“Bebidas sira ohin dader ita halo hand over ba bebidas iha MSSI ne’e, bebidas aseguradas ne’ebé mak kompaña sira importa mai iha rai laran, maibé depois sasan sira to’o mai tanba ita-nia lei impostu sertivu ne’ebé maka’as ita aplika dolar $3 ba kada litru entau sira selu labele ho sasan sira ne’e na’in halo afavór mai estadu,” dehan Komisáriu Interinu iha Edifisiu MSSI Kaikoli, Sesta (13/09).
Nia dehan, tanba bazeia ba lei nu.14 2017 ne’e hatete katak sé sasan sira ne’ebé autoriedade sira prende la deklara ka afavór ona ba estadu sei aplika dalan tolu haensan, halo lelaun ba públiku hodi hetan fali osan ba estadu, halo destroisaun bainhira sasan ne’e labele uza, no halo doasaun ba ema sira ne’eb’e nesesita atu uza.
“Ne’e ami hare ba sasan sira ne’e sei bele uza duké ita lori ba halo destroisaun entau Ministeriu Finansas liuhusi autoriedade Aduaneiru entrega mai iha Ministeriu Solidadariedade Sosial hodi fó ba ema sira ne’ebé nesesita duni atu uza ne’e mak ami mai halo hand over iha ne’e, depois mak Ministériu depois mak sira fasilita ida ne’e.
Diretór Jerál Prestasaun Sosial MSSI, Florindo Pina Dias Gonzaga hatete, bebidas sira ne’ebé Autoriedade Audaneriu entrega mai MSSI, sei apoiu fali instituisaun sira ne’ebé tau matan ba labarik sira.
“No ba distribuisaun sei hahú ohin ba oin halo ona distribuisaun tanba ita hotu hatene iha difikuldade transporte entaun antes ne’e iha ona koordenasaun entaun balun ne’e ita komesan etrega dadauk ona no balun depois hand over hotu mak lori ba entrega,” dehna Diretór Jerál.
Enkuantu, Bebidas Cimory ne’ebé oferese husi MF liu husi Autoriedade Aduaneiru kuantidade hamutuk kartus/ dos 2,800.