PR Horta viajen ne’e uma na'in sira mak konvida konferénsia Estoril, konferénsia ne'e hanesan instituisaun ida, munisípiu turizmu mak tinan-tinan ho universidade boot sidade Nova Portugál nian mak organiza.

Nia dehan, iha Portugál hasoru ho Prezidente Portugál, Marcelo Rebelo de Sousa, halo enkontru barak maibé enkontru sira ne'e natureza privadu.

Nia afirma, últimu iha Portu ba simu prémiu guerra João Querro, prémiu literáriu koñesidu iha Portugál, sira tinan ida fó prémiu ba PR Horta tanba ne'e mak ha'u ba laiha enkontru ruma ne'ebé bele hatete ho setór emprezariál ka setór privadu sira.

"Antes ha'u ba ita bo'ot sira hatene, Primeiru Ministru ba iha ne'eba halo akordu ho Portugál, akordu ne'ebé di'ak Portugál atu investe $70 milloens ajuda mai Timor ne'e kompeténsia governu nian mak haree to'ok Portugál área saida, maibé área baibain númeru ida ba Portugál iha Timor-Leste área númeru ida mak edukasaun, ida fali mak justisa," dehan PR Horta, iha Aeroportu Prezidente Nicolau Lobato, (29/10/24).

Nia reforsa, diplomásia iha Prezidente Repúblika nia mandatu tau matan ba diplomásia signifika Timor-Leste marka prezensa iha forma internasionál lubun bo'ot sira Timor tau nia opiniaun.

Entretantu, iha Portugál Prezidente Repúblika José Ramos Horta Klaru iha nia intervensaun ko'alia kona-ba Timor-Leste situasaun atuál maibé hotu-hotu hatene ona pozitivu liu-liu husi amu Papa Francisco ninia vizita sira hotu-hotu akompaña.

"Ema ne'ebé ha'u hasoru iha ne'eba informál ka formál sira hotu-hotu hatete ami akompaña vizita amu Papa Francisco nian ami hotu-hotu kontente ami haree la'o di'ak tebe-tebes," hakotu nia.