Sekretáriu Estadu Terras no Proriedades, Jaime Xavier Lopes hatete,  planu governu liu husi Teras Propriedades iha tinan 2025 ne'e tau osan $520 mil, atu fo sertifikasaun ba rai.

Sekretariu Estadu Jaime dehan,  Governu mos hanoin katak objetivu ikus atu fo ba komunidade sira maka atu titulu rai ba komunidade sira, hodi garante ema nia direitu iha rai pedasuk ida iha rai nia leten.

Nune'e sira bele hasa’e ekonomia ka sira bele halo levantamentu ruma ba foti osan iha Banku ida-ne'e planu iha tiha ona.

“Maibe ami fó tiha ona balun dadaun iha fulan novembru nia laran mos ami sei fó tan 100 ital ne'e ba Estadu se bainhira, atu halo kontratu arendamentu ruma  ho  kompaña ka ema ruma ka ho sosiedade ema mos tauk hela rai ne'e nia estatutu oinsa. Entaun ita tenki fó títulu  ba rai ne'e katak ema investor sira mai husi liur sira mos garante katak rai ne'e ami iha sertifikadu katak rai ne'e estadu nia,” Dehan Sekretáriu Estadu, Jaime, iha DNSC-Balide,  Tersa (29/10).

Nia afirma, ida-ne’e mak PlanuTeras Propriedade nian, maibe iha buat balun maka presiza atu hare ba planu governu nian ba tinan oin 2025 ne'e orsamentu ida ne'ebe maka bo'ot tebes, atu bele hare ida ne'e.

Tanba, iha tinan 2014 to'o mai iha tinan 2019 sistema nasionál kadastru ne'e la’o tiha ona, ne'e duni atu fo sertifikadu ba ema ne'e sei hare ba iha sistema ne'e, laiha problema no la iha disputa iha ona publikasaun mapa ne'e 90 dias laiha reklasaun husi ema ruma ida ne'e maka tekniku sira ba re-identifika fali, loos duni ka la’e?, tuir dadus ne'e los duni, ida ne'e maka sei fó sertifikadu títulu ba rai.

“Rai ne'ebe arenda tiha ona, maibe komunidade sira faan tutan fali. Ida ne'e mos planu ona tékniku sira sei ba halo re-indentifika fali karik ba kontratu arendamentu ne'ebe governu fo tiha ona, maibe sira re-arenda subar fila-fali, karik ema ruma arenda ba ema seluk ho valor ne'ebe bo'ot  maka governu sei hakotu sira nia kontratu,” Nia informa.

Maske nune’e, nia haktuir, Teras Propriedade ne'e iha buat balun maka seidauk los, kuandu los hotu ona, reseitas barak maka husi teras propriedade, uluk tempu Indonézia, atu sukat rai ne'e selu taxa ba estadu para osan sira ne'e ba iha konfre estadu fó sertifikadu mos tenki selu. Maibe agora dadaun ne'e governu fo gratuita hela.

Tán ne'e, oinsa governu atu kria lei ruma, atu ema ne'ebe hetan sertifikadu ne'e sira tenki ser selu ba estadu.

“Ami hanoin katak Timor ne'e direitu iha rua deit, direitu propriedade prefeita no direitu de uju deit. direitu propriedade prefeita ne'e ema ruma atu mai aluga ba hodi  halo investimentu ruma ne'e maka ita fo sertifikadu de uju, ne'e maka ita foin fo tinan hira, tanba direitu propriedade prefita ne’e laiha limita ba tinan ida, oan ba beoan nafatin, maibé sertidaun de uju ne’e limite tuir kontratu nia uja tinan hira ikus mai remata nia lori fali sertifikadu ne’e ba iha Teras, atu revoga fila-fali,” Nia haktuir.

Maibé, Alende ida ne’e, dadaun ne’e, Sekretáriu Estadu Terres Proriedades propoin hela, atu halo rekrutamentu ba  funsionariu sira hamutuk 122, tanba menus tebes ba funsionariu sira. Entaun presiza atu rekruta tan  funsionariu sira, atu nune’e bele  suporta aktividade sira ne’ebé maka atu halo.

“Purezemplu ita boot sira hare iha uma Perumahan sira, iha Perumas Bairu-Pité uma barak maka sidadaun Indonézia nian.Ne’e duni Sekretariu Estadu Terras Propriedade  nia planu, atu tun ba foti dadus hodi halo kontratu arendamentu fali ba sasan sira ne’e,” Nia konklui