PNTL Dili Reforsa Seguransa iha Munisipiu Featured

By Pedro Alves Martins Maiu 11, 2018 920
PNTL iha sira nia aniversariu PNTL iha sira nia aniversariu

DILI:Komandante Jerál Polisia Nasional Timor-Leste (PNTL), kinta horsehik halo serimonia deslokasaun membru sira ba 12 munisipius inklui rejiaun autonomu Oekuse hodi asegura sentru votasaun sira ne’ebé prepara ona ba eleisaun antisipada iha loron 12 fulan-Maio.

Tuir Komandante Jerál Polisia Nasional Timor-Leste, Komisariu Julio da Costa Hornai hatete, kolokasaun membru sira ne’e husi komponente Terreste Marrina no Unidade Polisia Fonteira, atu asegura sentru votasaun sira ne’ebé prepara ona iha munisipiu.

“Membru sira ne’e barak tebes mak sei  ba atu reforsa hodi prosesu ne’e la’o ho di’ak, hanesan unidade maritima,espesial da polisia fronteira nian tau hamutuk hodi reforsa seguransa,”dehan nia iha salaun Komandante Jerál, Kaikoli Dili,horiseik (10/11).

Nia alerta ba nia membru sira atu hala’o knaar ho responsabilidade masimu tuir misaun hodi hatudu nafatin disiplina servisu. Bainhira hala’o knaar iha sentru votasaun tenki ho neutralidade no imparsialidade.

Komandu Jerál ne’e husu ba nia membru sira atu mantein hala’o seguransa hahú husi kampaña, loron votasaun no too forma governu foun.

Nia fó atensaun ba nia membru katak labele tolera ema se de’it mak halo problema iha sentru votasaun.

Nia dehan, iha polisia atu asegura liu husi kordenasaun ho autoridade lokal, Comisaun Nasional Eleisaun (CNE) no Sekretariadu Téknika Administrasaun Eleitoral (STAE).

iha fatin hanesan, Superintendente Komandante PNTL Munisipiu Viqueque, Antonio Mauluta hatete, sei hetan apoi 35 membru PNTL atu reforsa seguransa iha sentru votasaun Viqueque.

Nia dehan, membru PNTL iha Munisipiu Viqueque hamutuk 170 pesoas no aumenta tan membru 35 pessoas husi Dili. Membru hirak ne’e sei fahe ba sentru votasaun 70  iha suku no aldeia sira balu liu husi estratejia seguransa ekipa movel hodi halo prevensaun.

Rate this item
(0 votes)

Independente Digital TV