Tuir Diretór Jeral STAE, Acelino Manuel Branco katak, númeru eleitor ne’e aumenta tanba eleisaun iha tinan kotuk joven balun foin atinje idade 16. Tanba ne’e eleisaun iha tinan ne’e sira kompleta ona tinan 17 bele tuir ona votasaun bazeia ba dadus.

Rajaun seluk, eleitor balun la konsege tuir votasaun iha tinan kotuk tanba la hetan oportunidade kestaun  sentru votasaun dok husi hela fatin. Tanba ne’e iha tinan ida ne’e aumenta númeru eleitor foun kuaze rihun 20 ba resensiamentu periodu ne’e.

Kompara iha estranjeiru iha tinan kotuk númeru eleitores hamutuk rihun 2 resin maibé agora aumenta ba rihun 5.

“Tanba ne’e atu hatene lolos ita iha ona eleitores atu ejerse sira nia direitu vota mak 784.286,”dehan nia ba jornalista sira iha knaar fatin CNE horsehik.

Tinan kotuk total ema sira la vota hamutuk rihun 200. STAE rasik la identifika motivu saida, maibé kestaun ida mós votasaun la’os obrigatoriu.

Rajaun seluk, eleitor sira tau kestaun kona ba sentru votasaun dok husi sira nia hela fatin. Tanba ne’e iha tinan ne’e responde dadaun ona hodi monta tan sentru votasaun balun.

Aliende ne’e, STAE sei esforsu makaas atu hatun votus nolu. Eleisaun jerál tinan kotuk iha rihun 10 mak votus nulu.

Kona-ba lista Adisonál ne’e aplika ba iha ba kazu sira hanesan liliu eleitor sira ne’ebé iha kartaun eleitorál maibé naran laiha.

“Ida fali mak ba lista sira ne’ebé emisaun servisu ne’e mak ajente funsionáriu estadu ne’ebé presta hela servisu hanesan forsa armada F-FDTL no PNTL no iha mós lista votasaun ambulante ninian refere ba Doutor ka mediku presta servsiu hodi atende pasiente sira iha sentru saude inklui ba iha guarda prejionais ne’ebé detein iha fatin tolu iha Timo-Leste,”nia afirma.