Tuir komunikadu ne’ebé online INDEPENDENTE asesu iha Pajina PNTL, haktuir, vitima nu’udar estranjeiru ho profisaun Profesóra Portuguésa ho naran Maria Christina da Castilho Brenda.
"Kazu hadau Telefone ne'e akontese iha loron 01 Fulan-Marsu 2025, hafoin vitima konduz hela bisikleta iha área Balide Aldeia Moris Foun, Suku Santa Kruz, Postu Administrativu Na’in Feto Munisípiu Dili, mak suspeitu sira hadau nia Telefone ida ho marka samsung,” Online INDEPENDENTE sita iha komunikadu, tersa ne’e (04/03/25).
Entretantu, joven na’in rua ne'ebé envolve iha kazu hadau Telefone ne'e, Polísia Eskuadra Na’in Feto identifika halo kapturasaun iha loron 04/03/2025, iha Ponte My Friend nian no dadaun ne'e asegura ona iha sela hodi submete ba prosesu investigasaun molok aprezenta ba Ministeriu Públiku (MP).
