Xefe Estadu Maior FALINTIL-Forsa Defesa Timor-Leste (F-FDTL) Brigadeiru Jenerál José da Costa Soares "TRIX", lori instituisaun nia naran hato'o agradese bá kompañia Fortune Star ne’ebé apoiu ona motorizada ba sira.
“Motor sira ne'e, Instituisaun F-FDTL simu gratuita husi ita nia emprezariu Timoroan, ne’ebé oferese bá ita hodi fasilita bá servisu Forsas Armadas nian,” dehan Brigadeiru Jenerál José da Costa Soares "TRIX" liu husi Komunikadu ne'ebé Online INDEPENDENTE asesu iha Pájina Relação Informação Publica F-FDTL, Tersa (04/03).
Iha fatin hanesan Diretór Kompañia Fortune Star Kenneth Lay hateten, hanesan Timoroan hakarak apoiu motorizada unidade ualu hodi apoiu servisu forsa armada sira nia atu la’o ho diak.
"Ami rona ita nia forsa enfrenta uitoan bá transporte, tanba ne'e ami hakarak apoiu ho gratuita motor unidade ualu bá Instituisaun F-FDTL, ida ne'e sasan uitoan, maibé espera bele ajuda netik ita nia forsa sira," katak Diretór
Motorizada 8 ne'ebé Kompania Fortune Star, Timor Safari, Star King no Eastern Star Motor (ESM) oferese ba instituisaun F-FDTL ho tipu hanesan Yamaha WR rua (2) no Yamaha XTZ Neen (6) inklui kapasete Ualu.
