Primeiru-Ministru espresa esperansa ne’e, bainhira simu vizita Reprezentante Espesiál Sekretáriu-Jerál ONU bá Violénsia Kontra Labarik, Najat Maalla M’jit ho ekipa iha Palásiu Governu, tersa ne’e (04/03).
“Nia mai nu’udár reprezentante Sekretáriu Jerál ONU nian, hodi ko’alia ho ita-nia maluk sira iha-ne’e, inklui sosiedade sivíl kona-bá violasaun direitu labarik nian. Ha’u husu atu define didi’ak direitu iha saida, atu ita haree oinsá mak atu redús ka rezolve. Dala ruma ita rona de’it maka violasaun seksuál, maibé iha direitu sira seluk mós Governu tenke tau atensaun,” dehan PM Xanana liu-husi Komunikadu Ne'ebé Online INDEPENDENTE asesu iha Pájina Ofisiál Primeiru-Ministru Kay Rala Xanana Gusmão, Tersa (04/03).
Iha fatin hanesan, Reprezentante Espesiál Sekretáriu-Jerál ONU bá Violénsia Kontra Labarik, Najat Maalla M’jit hateten, Governu Timor-Leste iha kompromisu bo’ot tebes hodi hakotu forma hotu-hotu hasoru labarik sira.
“Ha’u hakarak fó-hanoin katak definisaun labarik ne’e liga bá konvensaun direitu labarik nian ne’ebé ratifika ona iha Timor-Leste ho nia labarik sira idade 18 mai kraik. Violénsia hasoru labarik sira iha forma oioin, akontese iha ambiente oioin. Ida-ne'e akontese iha sírkulu konfiansa nian iha eskola sira, iha uma no husi online,” nia hateten.
Ho nune’e, ekipa husi ONU hakarak atu servisu besik ho Governu no entidade sira hodi haree kestaun ne’e.
