Kazu ne’e hamosu dezentendimentu entre kompañia ho ekipa jestaun suku iha Postu Adminitrativu Baguia, depois halo konferensia imprensa relasiona ho asuntu ne’e.
Sekretaria Ezekutivu PNDS, Claudinha Soares Pinto hateten, kazu ne’e akontese iha tinan 2021, ne’e duni nia parte halo ona koordenasaun ho ekipa jestaun suku sira kona-ba kazu refere no konsege rezolve ona.
Nia haktuir, papel Sekretariu Tekniku PNDS husi nasional, munisipiu to’o postu hanesan fasilitador, ne’e duni jestaun ba prosesu tomak ekipa Jestaun Suku sira mak toma konta.
"Hahú husi planeamentu,aprovizonamentu to'o implementasaun projeitu remata entrega ba komunidade sira, nune'e responsabilidade masimu ekipa Jestaun Suku sira," deklara nia ba Jornalista sira iha kna'ar fatin, Kolmera, (06/06).
Nia klarifika, kazu ne'e levanta to'o PDHJ no agora dadaun eis Diretora PNDS munisipiu Baucau halo ona deklarasaun iha PDHJ.
“Ami nia papel só fasilita de’it, ne'ebe prosesu hotu-hotu hala'o iha suku no ita hotu hatene reklamasaun ne’e relasiona ho pagamentu ATM ne'ebe mensiona iha kontratu.
Bainhira hahú prosesu halo pagamentu entaun prosesu aprovizionamentu ne'ebe akontese iha suku, tanba konvida kompania lokal sira atu tuir prosesu ida ne'e.
Bainhira akontesimentu prosesu inisia iha nivel suku refere no kompania lubuk ida mak tuir kompete hotu sai hanesan fornesedor material sira ne'e atu bele halo konstrusaun UNP nian.
Entaun iha ATM balun tuir kotasaun ne'ebe PNDS iha no kompania priense kotasaun ne'e valor ki’ikoan loos no PNDS iha dadus sira ne'e.
Iha guarda sira iha suku enkontru iha ne'eba klaru ona dala hira ona tenta atu resolve kona-ba kazu ida ne'e, kompania priense ninia kotasaun ne'ebe kiikoan maibé resulta total kiikoan ne'ebe nia sai hanesan vensedór.
Enkuantu nia valor ho presu bo'ot ne'e klaru tanba kompetesaun lubuk ida iha ne'eba la garante nia la sai mana na'in, tanba harus ne'ebe tuir kompania priense kotasaun ne'ebe PNDS iha.
Karik kompania Alemor Marly hakerek tuir kontratu entaun bele selu ho valor $ 45 no ita labele selu $90 tanba ida ne’e ita hala’o bazeia ba kontratu
