Sekretariu Ezekutiva ST- PNDS, Claudina Soares Pinto hateten, ohin entrega Uma Naroman Ba Povu (UNP) implementasaun programa PNDS nian ba faze dahuluk iha tinan 2021 nian, ne'ebé foin entrega ba benefisiáriu tolu ne'e iha tinan 2023.
"Ho kondisaun estrada grave halo UNP faze dahuluk iha tinan 2021 nian la'o tarde. Ohin foin entrega,” nia hateten iha aldeia Pazahara, Kinta (13/04/2023.
Implementasaun PNDS ba Uma Naroman Ba Povu (UNP) medidas laiha hanesan ida ho kuartu rua no UNP ida seluk kuartu tolu.
PNDS implementa Uma Naroman Ba Povu (UNP) iha tipu rua ne'ebé aplika ohin inaugurasaun UNP ho tipu kuartu rua ho kustu $15.000 no kuartu tolu kustu $17.000.
MAE aloka orsamentu ba PNDS iha tinan 2021 hamutuk millaun $25 atu halo Uma Naroman Ba Povu iha territoriu laran tomak, suku Timor laran tomak hamutuk 424 ho taejetu katak aldeia ida UNP tolu.
Iha fatin hanesan xefe suku Maina I, Alberto Nunes agradese ba governu liu husi Ministeriu Administrasaun Estatal (MAE) ho PNDS tanba implementa UNP iha aldeia Pazahara.
PNDS ne'ebe implementa UNP ba benefisariu tolu mak hanesan Maria Viana, Olinda Dos Santos no Olinda da Silva iha aldeia Pazahara ho sasan uma laran kompletu hanesan armariu, kama, mesa kadeira no nesesidade dapur nian.
UNP tolu ne'e implementa iha tinan 2021 maibé atu lori material konstrusaun mai iha suku Maina I tanba infrenta husi estrada ne'ebe to'o ohin loron foin entrega ba benefisariu tolu ne'e.
