PN Husu Polisia Kombate id Falsu iha MedSos Featured

By INDEPENDENTE Marsu 22, 2018 749
Media Sosial Media Sosial

DILI:Komisaun Permanente (KP) Parlamentu Nasionál husu ba PNSIK atu kontinua halo operasaun hodi kombate identidade (id) falsu iha média sosiál ne’ebé gosta trata lider nasionál sira.

Xefe Bankada Partidu Demokrátiku (PD), Maria Tereza Gusmão hatete, ema irresponsavel sira ne’ebé uza média sosiál hodi insulta lider nasionál ne’e konsidera atitude imorál.

Nia kongratula servisu PNTL nian ne’ebé konsege deteta ona sidadaun balun irresponsabilidade ba utilizasaun rede sosiál.

Diferente ideia iha polítika hodi konstrui Estadu ne’e normál, maibé kuandu halo polítika hodi ataka ema nia privasidade ne’e konsidera hanesan polítika baratu.

Tanba ne’e, governu liu husi Autoridade Nasionál Komunikasaun (ANC) kria lei ne’ebé rigorozu hodi bele regula sidadaun sira ne’ebé utiliza rede sosiál atu ema labele utiliza hodi difama malu.

Iha fatin hanesan, Xefe Bankada CNRT, Arão Noe de Jesus, apresia servisu PNSIK ne’ebé konsege deteta sidadaun balun ne’ebé deskonfia uza id falsu hodi trata lider sira.  

Rate this item
(0 votes)

Independente Digital TV