“Ho nune’e, orsamentu bá Ministeriu Ministeriu Juventude Desportu Arte no kultura pasa,” dehan Prezidente Parlamentu Nasional (PPN) Maria Fernanda Lay hatete iha debate OJE 2025 faze espesialidade iha PN, Segunda (18/11).
Husi montante orsamentu ne’ebé aloka ba iha MJDAK, kategoriza ba salariu no vensimentu $2.729.571, bens no servisu $1.850.047, tranferensia públika $4.261.650, kapital menor zero no kapital dezenvolvimentu $631.458.
Orsamentu ne’e sei finansia ba programa kultura no patrimoniu ho montante $833.172, funsionalmentu no dezenvolvimentu instituisional $4.431.530 no inkluzaun sosial $4.208.024.
Entretantu, Orsamentu ba Ministériu Edukasaun (ME) ho montante $113.098.784, Parlamentu Nasional aprova ho votus a-favór 42, kontra 0 no abstensaun 20.
Husi montante orsamentu ne’e, kategoriza ba saláriu no vensimentu $92.383.226, bens no servisu $11.161.334, transferênsia públika $4.602.080, kapitál menór $1.054.214 no kapitál dezenvolvimentu $3.897.930.
Enkuantu, Orsamentu ba Ministériu Ensinu Superiór, Siénsia no Kultura (MESSK) hamutuk $6957.923, PN aprova ho votu a-favor 43, kontra zero no abstensaun 19. montante ne’e fahe ba saláriu no vensimentu $2.756.849, bens no servisu $1.201.074, transferênsia públika $3.000.000, kapital menór no kapital dezenvolvimentu zero.
