“Hodi nune’e orsamentu ba Minsiteriu Petoleu Rekursu no Minarai pasa,” dehan Przedente Parlamentu Nasional (PPN) Maria Fernanda Lay hatete iha debate OJE 2025 faze espesialidade iha PN, Segunda (18/11).
Husi total orsamentu ne’ebé aloka bá MPRP ho montante $47,239,935, aloka bá Saláriu no Vensimentu $3,081,336, Bens no Servisu $19,158,599 no Transferénsia Públikas $25,000,000.
Orsamentu ne’e sei finansia bá programa funsionamentu dezenvolvimentu instituisionál ho montante $6.669.030, dezenvolvimentu ba kampu gás greater sunrise no asegura pipa sira ne’ebé mai iha Timor-Leste $10.371.473, dezenvolve polítika no prátika di’ak sira iha indústria hodi garante partisipasaun másimu timoroan sira nian iha atividade setór nian $26.045.463, implementasaun projetu tasi mane iha kosta súl nasaun nian $3.352.540 no esplora, investiga no dezenvolve rezerva petróleu, minerál no jeolójiku iha teritóriu $441.429.
Entertantu, OJE 2025 bá Ministeriu Interior (MI) ho totál $15,000,336 kategoriza bá Saláriu no Vensimentu $12,276,037, Bens no Servisu Korrentes $2,158,319, Kapitál Menór $40,184 no Kapitál Dezenvolvimentu $525,796.
Aleide ne’e, Parlamentu Nasional mós aprova orsamentu bá Ministériu Solidariedade Sosiál no Inkluzaun (MSSI) $26,188,602.
Husi orsamentu ne’e, kategoriza no rúbrika bá Saláriu no Vensimentu $3,982,088, Bens no Servisu $10,744,951, Transferénsias Públikas $9,501,672 no Kapitál Menór $500,000 no Kapitál Dezenvolvimentu $1,459,891.
Iha aprovasaun orsamentu ba MSSI, Deputada sira vota a-favór 43, kontra 1 no abstensaun 19.
