“Ho nune’e, orsamentu ba Tribunais pasa,” dehan Prezedente Parlamentu Nasional (PPN) Maria Fernanda Lay hatete iha debate OJE 2025 faze espesialidade iha PN, Segunda (18/11).
Husi montante orsamentu ne’e aloka ba salariu no vensimentu $3.454.572, bens no servisu $925.823, tranferensia públika zero, kapital menor $290.000 no kapital dezenvolvimentu zero.
Orsamentu ne’ebé aloka ba iha TR, sei finansia ba programa, aprosimasaun servisu tribunal ba populasaun, asesu ba justisa no funssionamentu no dezenvolvimentu instituisional.
Enkuantu, ba Prokuradór Jeral Repúblika (PJR), Parlamentu nasional aprova orsamentu montante $4.223.437, ho votus a-favor 42, kontra 1 no abstensaun 21, ne’ebé kategoriza ba salariu no vensimentu $3.277.759, bens no servisu $905.678, transferensia públika $0 kapital menor 40.000 no kapitál dezenvolvimentu zero.
Aleinde,Defensoria Públika nia orsamentu ba tinan 2025 ho montante $1.717.730, mós pasa iha espesialidade ho votus afavór 43, kontra 4 no abstensau 17. Husi orsamentu ne’e kategoriza ba salariu no vensimentu $1.590.971, bens no servisu $126.759, transferensia públika $0, Kapital menor zero no kapital dezenvolvimentu zero.
Entertantu, Provedoria Direitus Humanus no Justisa (PDHJ), nia orsamentu ho montante $2.139.368, ne’ebé PN aprova ho votu a-favor 42, kontra 2 no abstensaun 20, sei kategoriza ba salariu no vensimentu $1.404.463, bens no servisu $696.905, tranferensia públiku $0, kapital menor $40.000 no kapital dezenvolvimentu $0.
Enkuantu, orsamentu ba Polisia Cientifika no Investigasaun Kriminal (PCIK), ho montante $ 2.184.301, aloka ba salariu no vensimentu $1.351.358, bens no servisu $832.763, tranferensia públiku zero, kapital menor zero no kapital dezenvolvimentu zero. Husi montante orsamentu ne’e, PN aprova ho votus a-favor 42 kontra 8 no abstensaun 14.
Nune’e, orsamentu ba servisu Nasional Intelejensia (SNI) ho montante $2.642.443, PN aprova ho votu a-favor 44, konta zero no abstensaun 20, sei kategoriza ba salariu no vensimentu $1.094.967, bens no servisu $1.224.976, tranferensia públiku zero, kapital menor $322.500 no kapital dezenvolvimentu zero.
