OJE 2025 ba MPIE ho MOP Pasa

Dezembru 31, 2024

Nasional

OJE 2025 ba MPIE ho MOP Pasa ^Featured

By Ivonia Varela Novembru 19, 2024 399

Foto:Media GPM.

DILI: Parlamentu Nasionál (PN), aprova ona Orsamentu Jerál Estadu tinan 2025 ba Ministeriu Planeamentu no Investimentu Estratejiku ho montante $4.316.909 iha faze espesialidade ho votu a-favor 42, kontra 11 no abstensaun 11.

“Hodi nune’e orsamentu ba MPIE pasa”dehan Prezidente Parlamentu Nasional iha debate proposta OJE faze espesialidade, segunda (18/11/24).

Husi montante orsamentu ne’ebé aloka ba iha MPIE, kategoriza ba salariu no vensimentu $2.636.773, bens no servisu $1.630.136, transferensia públika zero, kapital menor $50.000 no kapita dezenvolvimentu zero.

Orsamentu ne’e sei finansia ba programa jestaun finansas públikas, funsionamentu no dezenvolvimentu instituisional, inkluzaun sosial, ordenamentu teritoriu no planeamentu investimentu estrátejiku.

Entretantu, OJE ba Ministériu Obras Públika (MOP) ho montante $270.757.350, Parlamentu Nasional aprova ho votu a-favor 43, kontra 15 no abstensaun 5.

Husi montante orsamentu ne'e, fahe ba Saláriu no Vensimentu $9.182.148, Bens no Servisu $19.032.404, Transferênsia Públika $176.500.000, Kapitál Menór laiha (0), Kapital Dezenvolvomentu $66.042.798.

Rate this item

(0 votes)