“Nune’e, orsamentu Dotasaun Jerál Estadu aprovadu,” dehan, Prezidente Parlamentu Nasionál, Maria Fernanda Lay, iha sala plenaria PN, Sesta (15/12).
Dotasaun Jerál Estadu iha proposta OJE 2024 prevee $227.711.548 hodi aloka ba saláriu vensimentu $21.696.380, bens no serbisu $73.260.218, transferénsia públika $131.616.950, kapitál menór $138.000 no kapitál dezenvolvimentu $1.000.000.
Enkuantu, hosi orsamentu ne’e aloka ba programa jestaun finansa públika $33.103.125, programa kontinjénsia $44.900.000, programa asesu justisa $1.550.000, programa polítika externa Timor-Leste $9.918.173, programa funsionamentu no dezenvolvimentu instituisionál $20.600.996, programa inkluzsaun sosiál $112.639.254, programa investimentu no diversifikasaun ekonómika $5.000.000.
OJE ba SEI Aprovadu
Entretantu, Parlamentu Nasional mos aprova proposta lei Orsamentu Jeral Estadu (OJE) tinan fiskal 2024 ba Sekretária Estadu Igualidade no Inkluzaun (SEII) prioriza programa inkluzaun sosiál.
Enkuantu, proposta-lei Orsamentu Jerál Estadu (OJE) 2024 ba Sekretaria Estadu Igualidade (SEI) ho montante $2.138.813 ho votu a-favór 44, kontra ne’en (6) no abstensaun 14.
Sekretária Estadu Igualidade (SEI) iha proposta OJE 2024 prevee $2.138.813 hodi aloka ba saláriu vensimentu $ 775.247, bens no serbisu $ 836.616, transferénsia públika $300.000, kapitál menór $ 226.950 no kapitál dezenvolvimentu laiha.
Ho nune'e, OJE 2024 planu asaun annual hosi SEII prioriza programa funsionamentu no jestaun instituisionál ho sub-programa tolu no atividade lima.
Programa inkluzaun sosiál ho ninia sub-programa integrasaun kompromisu jéneru no inkluzaun sosiál iha programa, lei no orsamentu Estadu no komunidade jerál ho atividade tolu, sub-programa empoderamentu ekonómiku ba feto ho komponente vunerável ho atividade ida.
Sub-programa planeamentu monitorizasaun no avaliasaun ho atividade rua, sub-programa relasaun públika no mídia ho atividade ida, sub-programa hakotu violénsia kontra feto no labarik feto sira ho komponente vunerável liu ho atividade haat, sub-programa partisipasaun feto iha polítika no nivel foti desizaun ho atividade ida.
