“Rezultadu votasaun Orsamentu Jerál Estadu (OJE) 2024 ba Ministériu Transporte no Komunikasaun a-favor 47, kontra rua (2) no abstensaun 16, ne’e pasa,” dehan Prezidente Parlamentu Nasional Maria Fernanda Lay, iha sala plenária PN, Sexta (15/12).
Nune'e, Orsamentu ba Ministériu Transporte no Komunikasaun (MTK) prevee $12.147.630 hodi aloka ba salariu bensimentu $3.150.647, bens no serbisu $ 5.428.108, transferénsia publika $1.749.500, kapital $134.150 no kapital dezenvolvimentu $1.685.225.
Hosi orsamentu ne’e aloka ba programa transporte $3.341.227, programa funsionamentu no dezenvovimentu instituisionál $4.952.107, programa serbisu postál $416.991, programa inkluzaun sosiál $33.180, programa teknolojia informasaun no komunikasaun $2.810.634 no programa meteorolojia no jeofízika $593.491.
Enkuantu, PN Aprova proposta OJE 2024 ba Ministériu Turizmu no Ambiente $11.069.826 ho votu a-favor 47, kontra haat (4) no abstensaun 14.
Hosi $11.069.826 ne’e hodi aloka ba saláriu vensimentu $4.730.779, bens no serbisu $4.689.047, transferénsia públika $745.000, kapitál menór laiha no kapitál dezenvolvimentu $905.000.
Enkuantu, orsamentu ne’e aloka ba programa funsionamentu dezenvolvimentu instituisionál $4.743.689, programa protesaun no konservasaun ambiente $2.096.573, programa turizmu $4.229.564.
Parlementu Nasional mos aproca proposta OJE 2024 ba Ministériu Komérsiu no Indústria (MKI) hamutuk $8.187.392 ho votu a-favór 47, kontra lima (5) no abstensaun 13.
Hosi orsamentu $8.187.392 ne’e hodi aloka ba saláriu vensimentu $3.043.043, bens no serbisu $5.044.349, transferénsia públika $100.000, kapitál menór ho kapitál dezenvolvimentu laiha.
Enkuantu, orsamentu ne’e aloka ba programa funsionamentu no dezenvolvimentu instituisionál $3.414.959, programa investimentu no diversifikasaun ekonomika $4.772.433.
PN aprova mos proposta OJE 2024 ba Ministériu Dezenvolvimentu Rurál no Abitasaun Komunitária (MDRK) hamutuk $13.150.000 ho votu a-favór 47, kontra rua (2) no abstensaun 16.
Hosi orsamentu $13.150.000 ne’e hodi aloka ba saláriu bensimentu $2.796.367, bens no serbisu $1.803.633, transferénsia públika $3.500.000, kapitál menór $800.000 no kapitál dezenvolvimentu $4.250.000.
Nune'e, orsamentu ne’e aloka ba programa funsionamentu no dezenvolvimentu instituisionál $3.892.858, progama rebitalizasaun komunitária $4.830.117, programa inplementasan abitasaun komnitária digna $4.427.025.
Deputadu sira aprova mos proposta OJE 2024 ba Ministériu Agrikultura, Pekuária Peska no Floresta (MAPPF) hamutuk $30.694.052 ho votu a-favór 47, kontra rua (2) no abstensaun 16.
Hosi $30.694.052 hodi aloka ba saláriu vensimentu $9.426.841, bens no serbisu $9.284.942, transferénsia públika $459.007, kapitál menór $4.827.575 no kapitál dezenvolvimentu $6.695.687.
Enkuantu, orsamentu ne’e aloka ba progama funsionamentu no dezenvolvimentu instituisionál $8.212.465, programa jestaun sustentável rekursu naturál, utilizasaun no konservasaun $947.552, programa prosesamentu pos-kolleta, armajenaemntu, asesu merkadu no agregasaun valór $918.280, programa aumenta sustentável produtividade no produsaun $20.615.755.
Enkuandu iha diskusaun proposta OJE 2024 ba ministériu ne’en ne’e laiha proposta hosi Deputadu sira no laiha mós pedidu esklaresimentu hosi Deputadu sira, nune’e prosede direta votasaun ba kada ministériu.
