PM Xanana Tun Direita Fó Apoiu Hodi Transporta Vitima Eviksaun 288 ba Munisipiu

Janeiru 10, 2025

Nasional

PM Xanana Tun Direita Fó Apoiu Hodi Transporta Vitima Eviksaun 288 ba Munisipiu ^Featured

By Ekipa INDEPENDENTE Janeiru 09, 2025 170

Foto:Media GPM.

DILI: Primeiru-Ministru (PM), Kay Rala Xanana Gusmão tun direta iha terrenu hodi fó orientasaun no apoia Ministru Obras Públikas (MOP), Samuel Marçal ho Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias hodi fasilita família uma-ka’in 288 ne’ebé konstrui uma iha área mota ninin, Fomentu II, Komoro, ba ida-idak nia munisípiu.

Primeiru-Ministru konsege akompaña prosesu transportasaun ne’e to’o tuku 22:00 otl, no oras-ne’e daudaun fatin mamuk ona inklui Ponte Komoro nia okos.

Tuir komunikadu ne’ebé Online INDEPENDENTE asesu, kinta ne’e (09/01/25), hatete, Xefe Governu konsola família hirak ne’e atu labele konstrui uma iha fatin risku no tenke fila bá munisípiu, ikus mai sira koopera duni, tanba ne’e PM Xanana rasik mak ajuda hiit sasan tula bá kamioneta sira ne’ebé Governu prepara.

“Família 288 ne’e, fasilitadu to’o ida-idak nia munisípiu inklui maluk sira ne’ebé mai husi Rejiaun Administrativa Espesiál Oecusse Ambeno (RAEOA),”dehan Komunikadu ne’ebé Online ne’e asesu.

Entretantu, Governu hakarak salva família hirak ne’e tanba konstrui uma iha área ne’ebé mak risku tebes husi inundasaun, no realidade hatudu katak iha uma lubuk ida mak mota Komoro lori iha 04 Abril 2021 bainhira akontese udan boot durante kalan tomak.

Rate this item

(0 votes)