Enkuantu, Xefe Governu sei aranka ba Japaun iha loron 14 fulan-Dezembru no sei fila hikas mai Dili iha 20 kuarta (20/12) tinan ne’e.
“Ohin ha’u mai hasoru Primeriu Ministru hodi hato’o boas vindas husi Governu Japaun nian, tanba Primeiru Ministru sei ba vizita Japaun iha loron tolu tuir mai. Ha’u esplika ajenda rua, primeiru sobre simeira Japaun nian no sénariu re-reuniuan bilateral entre Xefe Governu rua,” Online INDEPENDENTE sita iha Komunikadu, segunda (11/12).
Embaixadór ne’e esplika, simeira ASEAN Japaun atu kria hamutuk futuru ida ne’ebé bazeia ba parseira sinsera nian, no sei xavi prinsipál tolu hanesan, paz no estabilidade, interkámbiu pesoál ba kulturál, kapasitasaun ba jerasaun foun Timor-Leste nian no kriasaun ekonomia no sosiedade futuru.
Nia hatutan, kona-ba reuniaun bilaterál entre Xefe Governu sei fortalese relasaun no kooperasaun bilaterál nian, aleinde ne’e Governu Japaun reinteira ninia apoia ba adezaun Timor-Leste nian ba ASEAN.
Entretantu, antes ne’e Primeiru-Ministru Japaun, Fumio Kishida iha enkontru nivel altu Association of Southeast Asian Nations (ASEAN- Japan Summit) ba dala-43 iha salaun Plenary Hall, Jakarta Convention Center (JCC), 06 Setembru 2023, konvida direitamente Xefe Estadu no Xefe Governu ASEAN hodi partisipa iha simeira Japaun 2023.
