Tuir despaisu ne’ebé jornal INDEPENDENTE asesu, hakerek kona-ba responsabilidade Primeiru Ministru (PM) ba nomeiasaun Diretor Jeral Servisu Nasionál Intelijensia (SNI).
Iha karta ne’e hatete, nomeiasaun Longuinhos ne’e haktuir ba provizaun sira iha númeru 1 husi artigu 9, Dekretu-Lei nú. 3/2009, loron 15 fulan-Janeiru, (Servisu Nasional Intelijensia), nomeiasaun ba Diretor Jeral Servisu Nasional Intelijénsia nu’udár responsabilidade Primeiru-Ministru nian.
Primeiru-Ministru nia nomeasaun antes ne’e, obrigatóriu liu husi komunikasaun no konsultasaun ho Prezidente Republika, tuir termu sira númeru 2 husi artigu ne’ebé hanesan. Konsidera apropriasaun, integridade, kapasidade téknika no profisionál ne’ebé rekoñese ona, ho esperiénsia universidade nian no esperiénsia ne’ebé boot liu iha asuntu legál no seguransa Longuinhos Monteiro nian, no mós esperiénsia ne’ebé boot iha servisu intelijénsia Egas Moniz nian.
Konsidera katak kumpre hotu ona buat ne’ebé hakerek iha númeru 2 husi Artigu 9 Dekretu-Lei númeru 2009/2009, loron 15 fulan-Janeiru, komunikasaun no konsultasaun antes ho Prezidente Republika. Nune’e, tuir termu nú. 1 husi artigu 9 Dekretu Lei nú. 3/2009, loron 15 fulan Janeiru (Servisu Nasional Intelijénsia), determina ka nomeia:
Longuinhos Rabindranatha Tagore Domingues dé Castro Monteiro nu’udar Diretor Jeral Servisu Nasional Intelijénsia (SNI) no nomeia mós Egas dé Araujo Moniz nu’udár Vise Diretór Jerál SNI.
Entretantu, iha Governu daualu, liu husi despaixu Primeiru Ministru, Taur Matan Ruak nian, nomeia Koronél Domingos da Câmara ‘Amico’ nu’udár Diretór Jerál SNI.
