Kona-ba, deklarasaun husi Ministra Finansas, Santina Cardoso, katak laiha osan selu funsionariu mak Xefe halo auditória ba.
"Prezidente Repúblika mak atu halo auditória, halo ba, ami mós halo hela auditória" dehan PM Xanana iha Palasiu Prezidensiál, Bairru-Pité, (18/07).
Antes ne'e, Prezidente Repúblika, José Ramos Horta, konkorda 100% ho deklarasaun husi Ministra Finansas (MF), Santina Cardoso, ne'ebé deklara laiha osan selu funsionariu, ida ne'e presiza halo auditória ba kada ministériu ba rezultadu gastu.
"Ha'u konkorda 100% ho Ministra Finansas, klaru se osan remata iha fulan Dezembru 2024 ne'e signifika primeiru ezekusaun orsamentál kompletu, maibé tenke halo auditóriu ba kada ministériu se ezekusaun orsamentál ministériu nian ne'e halo di'ak duni, tuir regra no rezultadu retonu saida. Tanba atu gasta osan ne'ebé iha orsamentu ministériu ne'e fasil, mas bainhira tuir regras bele difisil liu, depende ona ba ministru nia kolaboradór sira. Klaru buat ne'ebé Ministra Finansas hatete ne'e loos, klaru tenke gasta loloos, didi'ak," dehan PR Horta.
Nia dehan, iha Prezidensia Repúblika PR Horta proibiu sosa karreta to'o agora, sosa de'it mak karreta track rua atu bele lori hahán ba foho, tanba karreta track ne'ebé iha ne'e mandatu anteriór nian sosa de'it mak karreta track rua, no karreta mini bus rua atu tula funsionáriu ka ema vizitante mai ba Aeroportu ne'e laiha karreta foin sosa. Tanba osan barak liu mak gasta ho ajuda umanitáriu ba kiak sira.
