Tuir Konstitusaun rasik temi mós kulturá, ne'e duni favour ida Prezidente José António Belo haree ba programa ne'ebé atu hadi’a no konsolida RTTL nia serbisu.

"Haree ba pesoál no área ne'ebé ita kobre, lae ita haree sai ita baruk tiha de'it," nia dehan iha salaun CNE, Kolmera, Sesta (12/1).

Tanba prosesu sé temi katak papel ida ba dezenvolvimentu ne'e la'os atu halo de'it ida ne'e no ida ne’ebá, mosu mós husi konsensializasaun ne'ebé menus komunikasaun social, liuliu RTTL bele fo informasaun.

Agradese ba apoiu husi Austrália kona-ba formasaun mais formasaun tenkeser hanoin seluk ona formasaun tenkeser profunda uitoan. Tanba jornalizmu papel difísil mais la'os difísil tebetebes.

"Imi enfrenta difikuldade barak loos, mas tempu to'o ona duni RTTL nia instalasaun halo estadu mak moe fali, tanba ida mak agradese tebtebes ba Japaun bele kontribui hodi hadia tan buat sira ne'e hotu no agradese nafatin husu nafatin ba Austrália hodi bele forma nafatin novu jornalista," nia dehan.

Ne'e duni, problema atu lori informasaun to'o iha ne’ebá presiza infraestrutura ne'ebé ema bele simu informasaun ne'e, tanba besbesik Dili mas povu tenke informadu kona-ba difikuldade saida maka Timor enfrenta nu'udar Estadu ida.

Ho ida ne'e mak husu 2024 enkuantu Japaun sei hadi’a tan ho maluk austrálianu sira buka haree forma halo rekualifikasaun ba jornalista RTTL ninian ba iha área ida ne'e sé mak bele.

"Imi moris hela iha problema iha tahu nia laran ita haree de'it, imi nia sede ita atu moe, ne'e duni ita buka took durante tinan lima ne'e ho apoiu husi doadór sira ita bele halo programa ida, mas importante tebtebes formasaun halo fali teste ida ba jornalista sira, la'os atu hasai atu hadia tan sira nia kbiit," tenik PM Xanana.

Ne'e duni husu ba Prezidente RTTL, tinan ne'e di'ak liu tan halo programa ida ne'e, halo planu ida hodi haree bá aspetu hotu-hotu.

Iha fatin hanesan, Sekretáriu Estadu Komunikasaun Sosial (SEKomS), Expedito Dias Ximenes hateten, RTTL seidauk atinje objetivu ho di'ak tanba ema barak iha Timor-Leste prevé haree televizaun husi rai li'ur, bainhira Timor akompaña televizaun husi rai seluk katak valór rai-li'ur nian maka promove fali iha Timor-Leste.

"Kultura husi rai sira seluk maka sei boot liu iha ita-nia rain Timor-Leste, nune'e sai hanesan halo ita-nia kultura fraku liu, ida ne'e mak tenke dezenvolve RTTL," tenik nia.

Exepdito hatutan, halo transmisaun ho kualidade hodi sai preferensia ba númeru timoroan sira hodi haree preferensia notisiariu tenke haree husi nasaun ne'e nian rasik.

"Keta haluhan katak funsaun ne'e hahu husi RTTL atu garante serbisu públiku rádiu ho televizaun, agora RTTL ita tenke dezenvolve tanba nia fatin iha ne’ebá hetan problema inundasaun ne'ebé difikulta atividade," nia dehan.

Ho edifisiu foun ne'ebé hanesan fatin profizoriu besik hotu ona, tempu besik RTTL nia funsaun sei mudansa ho edifisiu foun ne'ebé iha ho funsaun ne'ebé sei di'ak liu ba RTTL nia serbisu tomak hodi transmite informasaun.