Tanba iha dekretu lei nu.31/2023/31 de Maiu iha artigu 11 konaba engresu espesial tuir interpretasaun profesor kontratadu katak lei fó dalan hela ba professor sira atu tama iha engresu espesial, maibé tuir ME nian katak labele tanba seidauk hetan avaliasaun dezempenha.

Ho nune’e ME husu ba sira atu hein bolsa kandidata ne’ebé ME sei loke 2024 maibé sira la simu tan ne’e ME husu atu bele lori ba tribunal.

Tan ne’e, Protavoz profesor kontratadu Agustinho Pinto, husu ba ME atu fó karta notifikasaun ba kada profesor ida-ida konaba sira nia sala hafoin profesor sira lori ba tribunal.

Nia afirma, iha dekretu lei koalia momos katak profesor ne’ebé asina ona kontratu bele tama ona iha esgeru espesial, maibé Ministeriu dehan labele tanba seidauk hetan avaliasaun dezempenhu.

“banhira ami ba tribunal sira hasai ona karta notifikasaun ba ami hatudu ami nia sala ami komete sala saida iha artigu 116 tuir estate lei funsaun públika nian,” dehan Porta Voz.

Iha sorin seluk, Sekretáriu Estadu Ensinu Sekundáriu Jerál no Ensinu Téknika Vokasionál Domingos Lemos Lopes hatete, durante iha esplikasaun ne’e profesor kontratadu sira nafatin lasimu opiniaun husi ME nian entaun bele lori ba tribunal atu nune’e tribunal mak bele deside.

“ohin esplika ona maibé ita boot sira dehan, tanba ita nia interpretasaun la hanesan, tan ne’e ita boot sira lori ba tribunal tanba desizaun iha tribunal ida ne’ebé mak deside ida ne’ebé mak loos hodi fo dalan ba ita boot sira no ida ne’ebé mak atu fó dalan ba Ministeriu atu intrepeta mak ita la’o tuir,” dehan Sekretariu Estadu Domingos iha Salaun Konferensia Vila-Verdi, Segunda (18/07).

Enkuantu, tuir obsrvasaun Online INDEPEDENTE iha terenu nota katak, banhira Ministeriu Edukasaun mak la rezolve nafati sira nia estatutu mak profesor kontratadu hamutuk 1.449 husi minisipiu 12 inkliu Rejiaun Administrativa Espesial Oekusi Ambeno (RAEOA) sei halo Boikota hasoru ME.