Primeiru Ministru hato'o deklarasaun ne'e iha ninia intervensaun bainhira sai nu'udar orador ba semináriu Internasionál kona-ba dezenvolvimentu no validasaun padroens kompetensias bá sistema nasional kualifikasaun Timor-Leste.

"Apresia tebtebes imi nia serbisu ne'ebé mak halo ona di'ak tebtebes liu-liu la'os Instituisoens Governu ninian ne'ebé maibé liu-liu husi husi Universidade sira, Ita baibain temi katak edukasaun la'os Serbisu ida edukasaun misaun ida, se mak hanorin iha misaun ida," dehan PM nu'udar orador bá Semináriu Internasionál dezenvolvimentu no validasaun padroens kompetensias bá sistema nasional kualifikasaun Timor-Leste, iha Ótel Novu Turizmu, Kinta (11/07).

Tan ne'e mak akompaña sente triste uitoan, iha serbisu hotu-hotu Edukasaun ho saúde la'os atu hetan Saláriu mais atu serbí misaun ida atu taka no kuida.

"Governu hakarak hadia bu'at sira ne'e hotu, lae ha'u sai tiha Doutor ha'u bá kria tiha ha'u nia klínika, moras ida ba Ospital uah, uah, uah, panadol, Parasetamol sosa iha ne'ebé, sosa iha klínika mais bá fali ha'u nia klínika ida ne'e ha'u trata didi'ak, ne'e katak hanoin ne'e la hanoin ona kona-ba misaun," nia afirma.

Ne'e duni apresia tebetebes Reitores responsavel husi Universidade sira ne'ebé partisipa la'os de'it iha semináriu ida ne'e, maibé iha worshop sira seluk para hotu-hotu lori hanoin ida de'it.

"Ita nia vizaun atu prepara joven sira bá futuru, ne'ebé problema ida ne'e duni no liu-liu iha Edukasaun tersearia ohin loron Google, Google de'it, ha'u husu deskulpa ha'u tenke fó sai bu'at sira ne'e hotu. Ha'u loke bu'at sira ne'e hotu para imi bele kompriende mós katak iha futuru karik ita kria kondisoens iha koinesimentu joven sira ne'e liu hotu povu sei fiar rai ida ne'e sei bá oin," nia salienta.

Nia dehan, susar uitoan, ida ne'e tenke tama hotu iha interven iha vizaun boot atu eduka oan sira. Ne'ebé kona-ba prosesu ne'ebé ohin loron halo worshop lubuk ida no rezolusoens bu'at sira ne'e hotu sente katak tenke haree mak ida ne'e.

"Ha'u sente katak ita tenke haree mak ida ne'e, ensinu prezidensiál, hanorin, deskute no ko'alia, sé atan oan ha'u bele iha netik rasiosinu hodi ida ne'e tanba uluk ho rota la'os ho lei ida uluk tau, tau, tau dehan baku mós dehan ne'e violasaun krime. Ho rota mais halo ami estuda, estuda maka'as," nia akresenta.

Bele dehan mak husi Universidade sira tenke kumpri misaun ida prepara futru jerasaun hotu atu kaer rai ida ne'e.

"Tanba ida ne'e hanesan horisehik iha Konsellu Ministru hakilar malu tanba dehan katak profesóres, profesóres, dala ruma tanba ita la kompriende didi'ak ita nia realidade ita bá kopia, kopia, kopia de'it husi li'ur maka Ensinu báziku mestre tenke iha baixa relatu," dehan PM.

Karik presiza baixa relatu, Timor uluk la iha tanba la iha baixa relatu bu'at sira ne'e hotu mak preokupa tebtebes, agora tanba kompriende uitoan preokupa mais ikus fali mai maka sé la prepara didi'ak futuru jerasaun atu halo nusa, rai ida ne'e atu halo oinsá.

"Imi soe hela saida sa fini, tanbá ne'e mak husu ne'e, husu duni universidade sira, ANAAA no Instituisoens sira seluk mós, ho worshop ida ne'e imi hasai tiha ona bu'at sira ne'e hotu haree didi'ak. Hanoin didi'ak atu hadia nafatin hodi bele kumpri Sistema edukativu husi ensinu báziku to'o superior oinsá atu bele," tenik nia.