Diretór Servisu Saúde Munisipiu Baukau, Cristiano Cipriano Belo hatete, Pasiente sira ne'e hahú husi idade 0 to’o idade 69 ne'ebe halo tratamentu iha fasilidade saúde sira iha nivel suku no postu administrativu.
“Iha fulan 6 nia laran ne'e, ita rejista kazu moras matan hamutuk 355, entaun ita halo prevensaun sedu, nune'e labele afeitadu ba moras matan, tanba pasiente sira ne'e mai ho tipu oin 3 hanesan matan hare'e la mos, kataratak, no tipu moras konjuntivas hanesan pasiente balun ho idade, entaun afeita ba sira nia matan labele hare'e,” Nia dehan, liu husi via telefone, Kinta (11/07).
Nia dehan, ema hotu komprende ba prevensaun sedu, labele tama faze matan moras grave liu mak foin halo prevensaun.
Tanba, problema hirak ne'e akontense no afeita ba labarik idade ki'ik, tanba impaktu husu jenetika hahú husi inan nia kanotak ne'ebé la hetan nutrisaun di'ak, enkuantu idade reprodutivu impaktu husi insidente no asidente sira.
Relasiona ho ida ne'e, nia afirma, Saúde munisípiu Baukau fahe oklu ba pasiénte sira-neʼebé konsideradu kategória ba grave, no kontinua koordena tekniku matan sira husi Hospital Rejional Eduardo Ximenes (HOREX) Baukau hodi apoia ba pesóal saúde sira iha saude munisipiu liu husi programa Kuidadu Saúde Matan, hodi halo asisténsia ba komunidade sira iha baze.
Entertantu, durante fulan 5 hahú husi fulan janeiru to'o Fulan maiu ne'e nia laran sentru matan iha Hospital Nasional Guidu Valadares (HNGV) rejista pasiente hamutuk 42,741.
Molok ne’e, Xefe Unidade Optamolojia, Vergilio da Costa Pinto hatete, kada loron hahú husi segunda to'o Kuarta sira simu pasiente hamutuk 200, no Kinta ho Sexta simu sira simu pasiente menus husi 200 ne'e.
“Durante fulan 5 nia laran pasiente ne'ebe ita rejista iha sentru matan hodi hetan tratamentu ba sira nia matan ne'e hamutuk ,42,741,” Dehan nia iha HNGV, Kuarta (29/05).
Aleinde ida-ne'e, ba pasiente foun deit hamutuk 14,370 no Pasiente tuan hamutuk 20,155.
Nia dehan, pasiente sira ne'e maioria ho idade 30 ba leten mak afeita ba matan tanba fator idade, nune'e pressiza ajuda husi oklu.
Nia informa, iha mos ho labarik idade husi tinan 5 mai kraik, ne'e afeita husi trauma, afeita husi telefone no balun moris mai matan at kedas, tanba balun mai husi keturunan.
Tanba ne'e, nia prevensaun mak la'o iha loron manas tenke uza oklu metan, ka uza sapeu, atu nune'e labele fo impaktu ba iha sira nia matan.
