Vise Ministru Asuntu Parlamentár, Aderito Hugo da Costa hatete, Konsellu Ministrus aprova projetu Rezolusaun Governu kona-ba prevensaun aktu ilísitu ne’ebé iha relasaun ho artes marsiais.

"Ita-boot sira hatene katak Governu da-sia desde akontesimentu Karabau no Lourba iha tinan 2023 Governu mai ho avaliasaun ida seriu bá pontua situasaun ida hodi introdus Primeiru faze fulan neen ba suspensaun Atividades Arte marsiais Sira ninia. Imi hotu hatene katak agora ita tama ba Segunda faze ne'ebé sei hotu iha fulan Outubru tinan ida ne'e, Entaun prosesu ida ne'e mak ohin Ministériu tutela aprezenta Pontu situasaun sobre Implentasaun suspensaun," dehan Ministru hafoin remata konsellu Ministru halo Vizita fatin preparasaun bá 30 Agostu iha Portu Dili, Kuarta (10/07).

Nia afirma, entaun prosesu ida ne'e mak ohin halo mós Ministériu tutela hanesan Ministériu Interiór, Ministériu Juventude Desportu sira seluk tan Aprezenta pontu situasaun Sobre Implementasaun segundu faze suspensaun fulan neen nian ne'ebé sei hotu iha Outubru tinan ne'e.

Depois haree posibilidade saida mak akontese depois pre preparativu sira atu tama ba faze final Segundu Suspensaun nian sei hotu Saida mak liña Ministériais kompetente sira atu aprezenta para depois Governu sentrál bele foti desizaun jestaun tuir mai.

Konsidera katak importante atu konsolida no reforsa pás sosiál ne’ebé hetan liuhusi suspensaun temporária artes marsiais, tanba ne’e presiza estabelese medida prevensaun atu ilísitu lubun ida ne’ebé iha relasaun ho prátika artes marsiais.

Medidas ne’ebé estabelese husi Rezolusaun Governu ida ne’e inklui instrusaun ba Ministru Interiór hodi reforsa polisiamentu iha área fronteirisas, impede partisipasaun elementus husi grupu artes marsiais ne’ebé hola parte iha serimónia rituál iha Indonézia.

La simu sidadaun estranjeirus tama iha territóriu nasionál ne’ebé fó ameasa ba saúde, orden no seguransa públika, iha koordenasaun entre Ministru Justisa no Ministru Interiór ho órgaun polisiál kriminál hodi reforsa ekipa investigasaun kona-ba atividade ilísita ne’ebé iha relasaun ho artes marsiais, no reforsa katak la hakru’uk ba orden lejítima ne’e konsidera krime, hanesan prevee ona iha Kódigu Penál.