Atleta Timoroan 58 ne’e, kompostu husi feto 24 fahe ba atleta feto na’in ualu no ofisiál feto na’in-16 no mane na’in-34 ne’ebé mai hosi federasaun 10 hanesan, Tenis do Campo, Atletismu, Taekwondo, Karate-do, Natasaun, Federasaun Tiru, Boxe, Federasaun Halterofelismo, Badminton no Vollybool Praia
“Ha’u deseja susesu ba imi hotu, tenki hanesan ne’e duni, tanba ho desportu mak it abele promove ita nia rain no hatudu imi nia telentu ho professional,”dehan PM Xanana, iha komunikadu ne’ebé Online INDEPENDENTE Sita, (13/09).
PM Xanana husu ba atleta sira tau aan hanesan embaixadór desportu hodi kompete iha atividade desportu ho profisionál hodi foti no hamoris imajen desportu Timor-Leste.
Tuir Xanana, jogu desportu saída de’it nu’udar atividade ida atu ema individu bele hatudu ka promove ninia telentu no tekniku kompetetivu atu bele manan iha jogu ida.
Xefe Governu promete, governu ne’e, sei tau matan ba kondisaun desportu hotu iha Timor-Leste tuir politika ne’ebé trasa ona.
Iha fatin hanesan, Prezidente Sesante Comite Olimpico Nasionál Timor-Leste (CONTL), Mateus da Cruz hato’o agradese no husu ba atleta hotu kaer metin mensajen murak ne’ebé hato’o hosi PM Xanana inklui Prezidente Repúblika, José Rmaos-Horta.
Entretantu, atleta hirak ne’e sei aranka husi Timor-Leste ba Hangzhou Xina iha loron 16 fulan setembro agora no sei fila-fali iha loron 08 outobro 2023.
