“Ita nia lei hotu-hotu uza sistema sivilista ne’e mai husi Portugál... ita uza ita-nia asesór sira ne’e maioria husi Portugál. Hanesan halo uma karik nia jeitu sei uza enjeñeiru Portugés nia jeitu,” dehan nia, iha Palasiu Prezidensiál, Bairru-Pité, horisehik.

Nia haktuir, se uza enjeñeiru Indonézia ne’e tenke ba ne'ebá maibé importante maka ne’e adapta ba realidade tanba atu rezolve Timor nia problema.

Antes ne’e, Fundasaun Mahein kestiona Lei Orgánika PNTL nian tanba kopia husi Lei Orgánika Polísia Paramilitár Portugál nian.