“KM la ezonera tanba ne’e kompeténsia Ministru Petróleu no Minerál, Víctor da Conceição Soares nian ne’ebé propoin tanba iha lei ne’e hateten nia bele nomeia foun,” refere,” dehan nia, iha Palasiu Prezidensiál, Bairru-Pité, horisehik.
Nia esplika, Konsellu Ministru delibera de’it proposta husi ministru ne’e ba ezonerasaun Prezidente Timor GAP hodi nomeia fali António José Loiola de Sousa ba kargu ne’e.
Antes ne’e, hafoin reuniaun ezekutivu, iha Kuarta (8/7), Ministru ba Prezidente Konsellu Ministru, Fidelis Manuel Leite Magalhães hateten, Konsellu Ministru halo ona deliberasaun ida hodi hatutan no konfirma proposta husi MPM nian kona-ba ezonerasaun Francisco da Costa Monteiro no nomeia fila fali Vise Prezidente Timor GAP, António José Loiola de Sousa ba kargu ne’e ho mandatu 2020 to’o 2024.
