“Ha’u-nia sentidu kondolénsias ne’ebé kle’an ba família saudozu nian ne’ebé triste hela tanba lakon ita-nia Asuwa'in ida ne’ebé iha tempu okupasaun brani tebes kaer kilat hodi reziste hasoru invazór sira, hodi ohin ita iha nasaun ida livre no independente”, dehan nia.
Samba nia mate nu’udar lakon ida ba Estadu, ne’ebé iha tempu okupasaun fó vida tomak ba nasaun, tanba ne’e Estadu sei la haluha nia-kontribuisaun ba Timor-Leste, nia-istória sei hakerek iha Povu –Timor-Leste nia fuan.
“Deskansa ho Hakmatek iha Na'i nia Kadunan Santu, Adeus!", dehan PM Taur.
Entretantu, iha Parlamentu Nasionál liu husi Bankada FRETILIN, inisia silénsiu minutu ida ba matebian Samba Sembilan. Hafoin ne’e, Prezidente Parlamentu Nasionál ‘foin’ hanoin hodi dirije sesaun ne’e iha Uma Fukun PN.
