Primeiru Ministru, Mari Alkatiri hateten, VII Governu ukun nasaun ne’e dura to’o tinan lima maski hasoru problema barak, maibé kontinua buka dalan ukun povu ho nasaun ne’e to’o tinan lima.

Nia dehan, bainhira bloku AMP mak ukun nasaun ne’e sei monu iha dalan klaran.

“Ha'u garante Governu ne’e la monu, maibé opozisaun mak sei monu,” deklara Mari Alkatiri ba Jornalista Iha Palásiu do Governu Dili, kinta (21/12)

Ne’e duni, Xefe Governu ne’e otimista katak VII Governu kontinua mantein hodi ukun nasaun ne’e to’o tinan lima.

Nia Dehan, opozisaun mak sei monu dalan klaran, maibé Governu ne’e sei dura to’o bainhira de'it.

Ne’e duni, bainhira Prezidente Repúblika foti desizaun fó kompeténsia ba opozisaun atu forma VIII Governu, konserteza sei monu dalan klaran. Povu laiha konfiansa ba AMP hodi lidera Governu.

Problema barak mak Governu ne’e enfrenta liu husi opozisaun sira nia tentativa, maibé Xefe Governu fiar-aan kontinua lidera no ukun nasaun ne’e.