Nia hateten, Governu servisu hamutuk ho UNDP halo rekrutamentu ba peritu nain lima atu bele mai ajuda ekipa traballu reforma Justisa.
Nia esplika, peritus nain lima ne’e ninian funsaun mak sei servisu hamutuk ekipa traballu reforma justisa ne’ebe forma hosi IX Governu konstitusional hodi bele halo dignóstika ba autór judisiariu sira hanesan Tribunal, Ministeriu Públiku, Ministeriu Justisa
Enkuantu, autor judisiariu sira seluk hodi bele fo informasaun atu peritus sira ne’e bele halo dignóstika ba seitór justisa, nune’e halo rekomendasaun espesifiku ba Governu atu nune’e Governu bele di;ak liu tán seitór Justisa iha Timor-Leste.
“Hanesan ha’u dehan ona rekrutamentu ne’e Governu husu apoiu ba UNDP mak sei kontrata peritu nain lima. No informasaun ne’ebe hosi ha’u rona hosi parte UNDP prosesu rekrutamentu ba peritu sira ne’e sei finaliza iha fulan ida ne’e, peritu sira sei mai no hahu janeiru 2024 halo ona servisu", dehan nia iha salaun Tower Fatuhada, (05/12).
Eis Ministra Justisa ne'e esplika, peritu sira ne’e balun mai hosi nasaun unidus balun ema Juiz internsional, iha balun Prokurador, balun Advogadu no balun espesialidade iha area direitu nian.
“Peritu sira ne’e sei mai servisu hamutuk ho grupu traballu reform ba justisa ne’ebé forma ona hosi IX Governu ne’ebe kompostu hosi timor-oan sira ne’ebe iha esperensia iha seitor justisa akademiku, peskizador sira, no sira sei hamutuk halo ba entidade sira liu-liu ita nian autor judisiriu,” nia dehan.
“Peritu no ekipa traballu reforma ba justisa halo dignostiku ho maneira entervista, rekolla dadus ba iha ita-nia autor judisiariu sira tanba husu ba ita-nia autor judisiariu tenke koopera ho ekipa tanba sira sei formulariza sira nia dignostiku hodi halo rekomendasaun konkreta ba Governu saida mak ladiak no saida mak presiza hadia iha ita-nia seitor justisa,” katak nia.
Nia dehan, peritus sira ne’e sei mai iha fulan janeiru 2024, no ekipa ne’e sei halo nia servisu hahú hosi janeiru to’o fevereiru no marsu 2024.
Peritus sira sei enkamina relatoriu rezultadu dignotika ba seitor jusitisa ba Xefe ekipa Trabllu Reforma Justisa no Xefe ekipa traballu mak sei submete ba Primeiru Ministru hodi anusia reltoriu ba reforma justisa.
Nia nota katak, seitor Justisa Timor-Leste iha hela moras todan nia laran desorganizadu tanba ema barak sei halerik fali ba iha Justisa.
Nia dehan, desde Timor-Leste nian indepensia to’o mai agora Governu ne’e gasta ona Milliaun 50 atu dezenvolve seitór justisa maibé seitor justisa kontinua la’o ladiak.
Tanba ne’e IX Governu nian prioridade ida mak reforma ba iha seitor Justisa atu mellora seitor justisa atu ema hotu sente justisa ne’e ba iha ema hotu.
“Nesesariu no urjente duni ba ita atu halo reforma ba seitor justisa. Liu liu lei sira ne’ebé mak la relevante ona ba situasaun tempu agora ita presiza muda tanba iha tribunal Juiz sira dala ruma kondena fila fali lei sira ne’ebe uluk ba ema,” hakotu nia.
