"Ba revogasaun Dekretu-Lei númeru 22/2021, loron 10 fulan Novembru, ne’ebé kria subsídiu ba inan isin-rua no ba labarik sira, ne’ebé hanaran “Bolsa da Mãe-Nova Jerasaun” no ba alterasaun daruak husi Dekretu-Lei númeru 18/2012, 4 Abríl ne’ebé kria subsídiu apoia kondisionál “Bolsa da Mãe,” dehan komunikadu ne'ebé INDEPENDENTE  asesu, Kuarta (6/12).

Ho diploma ne’e, halo reforsu ba Subsídiu Apoiu Kondisionál “Bolsa da Mãe”, ho aprezentasaun valór ba subsídiu mensál nian ne’ebé la hanesan, husi US$ 8 to’o US$ 10, ho baze iha siklu eskolár ba labarik benefisiáriu sira, nune’e insentiva sira-nia frekuénsia eskolár.

Aleinde ne’e, valór sira ne’ebé destina ona ba labarik sira ho defisiénsia ho idade eskolár no ne’ebé frekuenta hela eskola sei aumenta husi US$ 5, subliña katak kompromisu Governu ho promove ekuidade.

Governu konsidera importánsia boot husi partisipasaun iha eskola, bainhira benefisiáriu ikus sira ho idade kompativel ho ida ne’e, sei sai kritériu ida husi kritériu sira ne’ebé estabelese ona, tanba iha

sentidu ida ne’e, integra polítika asisténsia sosiál ba perspetiva edukasionál nian ida.

Revogasaun ba programa “Bolsa da Mãe-Nova Jerasaun”, ne’ebé estabelese husi Dekretu-Lei Númeru 22/2021, loron 10 fulan Novembru, sai hanesan baze ba avaliasaun krítika ida husi polítika sira asisténsia sosiál nian ne’ebé iha vigór.

Governu rekoñese importánsia atu proteje labarik ki’ik sira, hanesan konsagra ona iha Konstituisaun Repúblika Demokrátika Timor-Leste, maibé hatene katak importante halo ajustamentu hodi garante distribuisaun ida ne’ebé efikás ba rekursu sira.

Governu konsidera katak protesaun sosiál ba inan isin-rua importante tebes atu proteje labarik ki’ik sira (infánsia), maibé

hatene katak molok fó kontinuidade ba disponibilidade subsídiu apoia sosiál nian ba inan isin-rua, importante ba Estadu hala’o estudu impaktu ida husi rezultadu sira ne’ebé alkansa ona no objetivu atu alkansa ba redusaun vulnerabilidade no korrespondénsia ho polítika natalidade país nian.