Nia dehan, tanba sarani sira ne’e mai ho espíritu boot, tanba ne’e mai simu Sua Santidade Papa Franscisco atu hametin fiar.
"Ami-nia sarani perigiñu hosi RAEOA espesiál tebes no mai espíritu boot, tanbá país Timor-Leste Katolika da-uluk iha mundu," dehan nia ba Jornalista INDEPENDENTE iha rai-metan Tasi-tolu, Domingo (08/09).
Maibé ema haluha tiha katak kristianismu tama mai Timor-Leste liu hosi RAEOA iha Lifau, tanbá Lifau tempu uluk Portugés kapitál ba Timor tomak.
Iha tinan 1515 Portugés sira tama mai Timór ho negósiu ai-kameli, maibé sira aproveita mai sosa ai-kameli no lori sira-nia amu-lulik mai Timór.
Enkuantu sira halo negósiu hodi prega mós sira-nia relijiaun, sarani sira hosi peregriñu RAEOA hatene istoria.
Iha Timor-Leste hetan atensaun boot hosi Amu papa tanbá Timor-Leste Katólika nia abut iha RAEOA.
"Ita haree rai RAEOA espesiál tebes no sira-nia adat ho kultura ne'ebé forte no sira nunka husik, sarani sira moris ho realidade rua fiar ba Maromak ho Santo António," nia haktuir
Sarani sira mai iha ne'e, ho fé bo'ot tebes, maibé nunka problema iha ne'e, maibé rona malu to'o prosesu sua Santidade Francisco fila ba Singapura.
Karik loke dalan entaun sarani sira iha RAEOA mai hotu kedas, maibé haree kapasidade mobilizasaun, osan no transporte.
Sarani Peregrinus RAEOA mai partesipa sua Santidade Francisco mai vizita Timor-Leste hamutuk ema na'in 2.344 no konsentra iha rai-metan Tasi-tolu ho kondisaun seguru no di’ak.
Kona-ba fasilidade ba sarani iha kompletu hodi fasilita sira, no haan hemu iha atu nune'e sira bele konsumu kada loron ida sira han dala tolu.
