Tuir observasaun husi Jornalista INDEPENDENTE iha terenu nota katak, labarik barak mak tuur hein iha Rotunda Nicolau Lobato maske loron manas ho pasiensia vizita apostolika sua Santidade Francisco iha Timor-Leste.

Maske ho loron manas labarik sira tur iha trotoar leten hamutuk ho inan-aman sira, tanba ho hametin fiar katólika iha Timor-Leste.

Sarani balun iha Rotunda Nicolau Lobato komesa oin halai tanba la aguenta ho klima ne'ebé manas, maibé ekipa Saude ho CVTL hodi halo tratamentu ba sarani sira ne'ebé hetan desmaia.

Inan balun kous hela nia oan no lori sumbriña hodi hamahon klima ne'ebé manas no hamriik iha estrada ninin ho oras 14:20 minutu.

Sarani barak mak uza sumbriña husi bandeira Vatikanu hodi satan netik klima ne'ebé manas hodi prezensa Sua Santidade Francisco iha Rotunda Nicolau Lobato.

Entretantu, ema ho defisiensia balun hamriik iha estrada ninin, maibé seguransa PNTL kontinua halo monitorizasaun ba sarani sira atu nune'e la bele halo movimentu.