Papa tun husi aviaun iha oras 14:50 ne’ebé simu hosi delegasaun Vatikanu sira iha Aeroportu Internasionál Nicolau Lobato.
Hafoin to’o iha Aeroportu internasionál simu direta hosi Prezidente Repúblika José Ramos Horta no Primeiru Ministru, Kay-Rala Xanana Gusmão ho membru sira, lider igreja Katólika iha Timor-Leste Dom Virgílio Cardeal do Carmo no delegasaun hosi Vatikano.
Ekipa Avansadu husi Vatikanu mós dadaun ne'e destaka ona iha Aeroportu Comoro, inklui seguransa sira hosi FALINTIL-Forsa Defeza Timor-Leste mós iha ona fatin.
Nune’e, ho laran kontente Papa Frabscisco kaer liman ho lian na’in no sarani sira iha aeroportu Nicolau Lobato hodi hakat ba sala VIP ne’ebé governu antes ne’e prepara ona.
Iha aeroportu ne’e, ekipa drumband hosi banda FALINTIL-Forsa Defeza Timor-Leste (F-FDTL) forma liña hodi simu Papa Franscisco tun husi aviaun Air Niugini.
Objetivu rua ne’ebé Papa Franscisco mai Timor-Leste hasoru lider Governu Timor-Leste no vizita pastorál Igreja Katólika iha Timor-Leste.
Kona-ba seguransa ba Papa Franscisco iha Aeroportu, ekipa konjunta tarefa PNTL no F-FDTL halo kontinua akompaña Papa Franscisco mai iha rezidénsia Nunsiatura.
Tuir oráriu ne’ebé deside, Papa Francisco hamutuk ho delegasaun sei voo husi Papua Novaguine mai Dili-Timor-Leste sei to'o iha Aeroportu Internasionál Nicolau Lobato, Comoro, iha tuku 14h10.
Hafoin Papa Francisco to'o iha Aeroportu Comoro, Papa ho nia delegasaun sei simu husi Xefe Estadu no Governu no bispu sira iha Timor-Leste, hafoin ne'e Papa sei ba deskansa iha Nunsiatura Apostolika iha Motael, Dili.
18:00 lorokraik, Papa Francisco ne'ebé hanesan Xefe Estadu Vatikanu nian ne'e sei ba iha Palásiu Prezidensiál Nicolau Lobato, Bairru Pite, hodi hala'o enkontru ho Prezidente Republika, José Ramos Horta. Iha oras hanesan, Primeiru-Ministru, Kay Rala Xanana Gusmão, sei hasoru malu ho ninia omologu Kardinal Pietro Parolin, ne'ebé sei la'o durante minutu 20 nia laran.
Iha Palasiu Prezidensiál Nicolau Lobato, iha tuku 19h00 kalan ne'e, Papa Francisco sei lee ninia diskursu ne'ebé partisipa husi Xefe Governu no membru Governu da-sia (IX), sosiedade sivil, korpu diplomátiku no konvidadu sira seluk hafoin fila hikas ba Nunsiatura Apostólika Motael.
Iha tersa (10 setembru 2024), iha tuku 08h45 dadeersan, Papa Francisco sei vizita labarik sira ema ho defisiensia (moras autis) ne'ebé hela iha orfonatu (ALMA) iha Pantai Kelapa, Dili.
Iha tuku 09h30, Papa Fransico sei halo sorumutu ho bispu, padre, madre, diaknu, seminarista no katekista sira iha igreja Imaculda Conceição Katedrál Vila Verde, Dili.
Iha tuku 10h45 Papa Francisco sei halo sorumutu ho padre na'in-38 husi kongregasaun Jesuita iha Timor-Leste iha rezidensia Nunsiatura Apostólika iha Motael, Dili.
Iha tuku 16h30 lorokraik, Papa Francisco sei prezide misa solene iha Tasi-Tolu, misa ne'e la'o durante oras ida ho balun de'it, no sarani sira simu komuñaun kala la'o minutu 10 nia laran deit.
Iha kuarta (11 September 2024), tuku 09h30, Papa Francisco sei hala'o sorumutu no sei fó diskursu ba reprezentante juventude katólika husi dioseze Dili, Baucau no Maliana hamutuk 3.000
Hafoin sorumutu ne'e, iha tuku 10h45, sei halo serimónia despedida iha aeroportu Internasionál Prezdidente Nisolau Lobato, Comoro, Dili, antes Papa Francisco ho delegasaun sei voo ba Singapura.