Sekretariu Jeral Partidu FRETILIN, Mari Bin Amude Alkatiri hatete, programa sesta solidária ne'e inisiativa mai husi FRETILIN rasik, atu ajuda ema ne'ebé mak presiza duni tulun.
"Sesta Solidária husi Partidu FRETILIN ne'e inisiativa mai husi ha'u rasik, atu fahe ba ema ne'ebé presiza duni, ho ida ne'e mak hau entrega atu nune'e ita hamutuk la'o ba oin,”dehan nia, iha Suku Ailiko, Postu Administrativu Hatu-Udo, Munisipiu Ainaro, sábado (18/02).
Nia esplika, sesta solidária ne'e polítika FRETILIN, tanba ne'e aban-bairua FRETILIN mak manan iha eleisaun Parlamentar programa ne'e sai programa governu nian ne'ebé sei realiza fulan tolu dala ida.
Programa sesta solidária lahanesan ho sesta bázika, tanba programa sesta bázika ne'e ba ema hotu-hotu maibé sesta solidária ne'e ba de'it ema ne'ebé presiza duni.
Sasan ne’ebé tama iha kategoria sesta solidária ne’e mak hanesan, sasan nesesidade bazika no mós materiál konstrusaun sira hanesan, kalen, lona, sementi no mós terpal.
Enkuantu, ba Suku Dolok Wekatar ne’e fahe lona tolu, no sementi hamutuk saka 20 no mós sasan nesesidade bazika ba populasaun vulneravel hamutuk 50.
Aleinde, iha Suku Ainaru-Vila, fahe mós sasan nesesidade bazika ba ema na’in 50, kadeira 200, Kalen 200, lona haat (4) no simenti saka 80.
